'
१९ माघ, काठमाडौं । सरकारले गैरआवासीय नेपाली तथा कूटनीतिक नियोगका कर्मचारीलाई त्रिभुवन अन्तर्राष्ट्रिय विमानस्थलमा अनअराइभल भिसा दिने भएको छ । गत मङ्सिर १०, पुस १० र यही माघ १० गते बसेको मन्त्रिपरिषद् बैठकको निर्णयअनुसार अनअराइभल भिसा खुला गरिएको अध्यागमन विभागले जनाएको छ ।
विभागले आइतबार सूचना प्रकाशन गर्दै नेपाली मूलका विदेशी (राहदानीमा जन्मस्थान नेपाल उल्लेख भएको) वा नेपालीसँग नाता सम्बन्ध भएका वा गैरआवासीय नेपाली, कूटनीतिक तथा औपचारिक राहदानवाहक, युएनका कर्मचारी, नेपालमा रहेका अन्तर्राष्ट्रिय संस्थामा कार्यरत विदेशी कर्मचारीलाई विनाशर्त अनअराइभल भिसा खुला गरिएको जनाएको हो ।
विभागले नेपालको भिसा भएका विदेशी नागरिकलाई आगमन अनुमति भने दिइने जनाएको छ भने नेपालको भिसा नभएका विदेशीले विदेशस्थित नेपाली नियोगबाट भिसा लिएरमात्र नेपाल आउन पाउनेछन् । विदेशी नागरिकलाई पूर्व स्वीकृति विना स्थलमार्गबाट नेपाल प्रवेशको अनुमति दिइएको छैन ।
सबै विदेशीले यात्रा शुरु गर्नुभन्दा बढीमा ७२ घण्टाको पिसिआर परीक्षणको नेगेटिभ रिपोर्ट र दश दिनको क्वारेन्टिन अनिवार्य रहेको छ । यसअघि सम्बन्धित मुलुकमा रहेका नेपाली नियोगबाट पूर्व स्वीकृति लिएर आएकालाई मात्र अनअराइभल भिसा दिने गरिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लाइन काटेर बक्यौता उठाउँदै प्राधिकरण
२०७७ चैत्र २२ गते आइतवार
प्रचण्डलाई फकाउने ओलीको प्रयास पटक–पटक विफल
२०७७ मङ्सिर २९ गते सोमवार
मेलम्ची पानीसँगै ‘फायर हाइड्रेन्ट’
२०७७ फाल्गुन २७ गते बिहिवार
स्वास्थ्य कार्यक्रम : १ खर्ब ८० अर्ब रुपैयाँ खर्च लाग्ने प्रक्षेपण
२०७७ फाल्गुन २८ गते शुक्रवार