'
२० माघ, काठमाडौं । नेपालका लागि अमेरिकी राजदूत -यान्डी बेरीले अमेरिकामा राष्ट्रपति परिवर्तन हुँदा त्यसले नेपाल नीतिमा फरक नपार्ने बताएका छन् । सोमबार आफ्ने निवासमा पत्रकारहरुसँग कुरा गर्दै उनले अमेरिकाले नेपालसँग गरेका प्रतिबद्धता, ७० वर्षदेखि यहाँको विकासमा गर्दै आएको योगदान लगायतका विषयमा राष्ट्रपति परिवर्तनले असर नपर्ने र नयाँ राष्ट्रपति जो बाइडेनको कार्यकालमा पनि यी विषयले निरन्तरता पाउने बताएका छन् ।
उनले मिलिनियम च्यालेन्ज कर्पोरेसन (एमसीसी) अमेरिकाको लागि राजनीतिक एकाइ नभई विकास र लगानीसम्बन्धी एकाइ भएकोले राजनीतिक संक्रमणले यसलाई कुनै असर नपार्ने बताए । ‘अमेरिकामा राष्ट्रपति परिवर्तनले एमसीसीसम्बन्धी सम्झौतामा कुनै फरक पार्दैन,’ उनले भने ।
उनले नेपालमा अमेरिकाको उपस्थिति खास गरी विकास अजेन्डामा रहेको बताए । राजदूत बेरीले सत्तारुढ नेपाल कम्युनिस्ट पार्टी (नेकपा) भित्रको विवादलाई आन्तरिक विषय भन्दै त्यसमा प्रतिक्रिया जनाउन अस्वीकार गरे । ‘यहाँका राजनीतिक दलहरु सार्वभौम संस्था हुन् र नेपाल सार्वभौम मुलुक हो । नेकपाभित्रको घटना हाम्रो सरोकारको विषय होइन । किनभने यो पार्टीको आन्तरिक विषय हो,’ उनले भने । आजको नागरिक दैनिकमा समाचार छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतको छत्तीसगढमा नक्सलवादीको आक्रमण, २२ सुरक्षाकर्मीको मृत्यु
२०७७ चैत्र २२ गते आइतवार
राजनीतिक उतार-चढावप्रति राष्ट्रपतिको दृष्टिकोण के होला ?
२०७७ चैत्र २५ गते बुधवार
गण्डकीमा १२९ जना सङ्क्रमित थप, १६७ निको
२०७७ मङ्सिर ८ गते सोमवार
उपत्यकामा बिहीबार सबै बैंक बन्द, कर्मचारीलाई बाटोमा प्रहरीको अवरोध
२०७७ भाद्र ४ गते बिहिवार