'
-सम्राट सिंह
२० माघ, बझाङ । बझाङका एक युवक १६ दिनदेखि बेपत्ता भएका छन् । ससुराली दाङ हिँडेका जयपृथ्वी नगरपालिका ४ गोलाइ घर भएका २० वर्षीय लक्ष्मण विक १६ दिनदेखि बेपत्ता भएका हुन् ।
विकले चौध महिनाअघि दाङ तुल्सीपुर नगरपालिका–१८ की गायत्री कुमालसँग विवाह गरेका थिए । श्रीमती भेट्न ससुराली गएका विक बेपत्ता भएपछि उनका आफन्तहरुले ससुराली पक्षले नै बेपत्ता पारेको आरोप लगाइरहेका छन् ।
विवाह भएको पाँच महिनासम्म बझाङ बसेर माइतीघर दाङ हिँडेकी गायत्री बझाङ फर्किन नमानेपछि घरमा लिन भनि गएका छोरा बेपत्ता भएको उनका बुवा हरी विकले बताए । लक्ष्मण र गायत्रीको फोनमा समेत झगडा हुने गरेको र छोरालाई ससुराली बोलाएर ससुराली पक्षले नै बेपत्ता पारेको उनको आरोप छ ।
श्रीमती लिन ससुराली हिँडेका लक्ष्मण बेपत्ता भएपछि खोजीको लागि दाङ प्रहरीमा उजुरी दिएको तर हालसम्म केही पत्ता नलागेको भन्दै परिवार चिन्तामा परेका परेका छन् । माघको पहिलो सातातिर काठमाडौंमा रहेका लक्ष्मणलाई गायत्रीले नै फोन गरेर लिन आउन भनेर फोन गरेको उनका दाई गणेश विकले बताए । उनले भने, ‘बुहारीले नै लिन आउ भनेर फोन गरेर बोलाएकी हुन्, हालसम्म पनि भाइको अत्तोपत्तो छैन । माइती पक्षले नै बेपत्ता पा¥यो कि भन्ने शंका उत्पन्न भएको छ ।’
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
देशभर थप १ हजार ३ सय ५६ जनामा संक्रमण पुष्टि, संक्रमितको संख्या ६६ हजार नाघ्यो
२०७७ असोज ६ गते मङ्गलवार
मेलम्चीको पानी एक जनालाई ७५ लिटर
२०७७ चैत्र १० गते मङ्गलवार
प्रतिनिधिसभा विघटनविरुद्धको मुद्दामा सुनुवाइ सुरु
२०७७ माघ २ गते शुक्रवार
भोलिदेखि ४० देखि ५९ वर्ष उमेर समूहका नागरिकलाई चिनियाँ खोप दिइँदै
२०७७ चैत्र ३० गते सोमवार