सेयर मार्केट

सेयर बजारमा रेकर्ड ब्रेक : नेप्से २५०० विन्दु माथि पुग्दा कारोबार रकम साढे १० अर्ब

stock market

२५ माघ, काठमाडौं । सेयर बजारमा एकैदिन १० अर्बको कारोबार भएको छ । आइतबार नेपाल स्टक एक्सचेञ्जमा १ करोड ७७ लाख कित्ता सेयर कारोबार हुँदा कुल कारोबार रकम १० अर्ब नाघेको हो ।

आइतबार बजार १० अर्ब ४४ करोड रुपैयाँ बरारबरको सेयर कारोबार भएको नेपाल स्टक एक्सचेञ्जले जनाएको छ । यो एकैदिन कारोबार भएको अहिलेसम्मकै धेरै रकम हो ।

कारोबार बढ्दा आइतबार बजार परिसूचकमा ४८ अंकको सुधार देखिएको छ । यो दिन ४८.९७ अंकले बजार बढ्दा नेप्से परिसूचक बजार परिसूचक २ हजार ५ सय २४ दशमलव २४ अंकमा पुगेको छ । यो परिसूचक पनि अहिलेसम्मकै धेरै हो ।

समग्र बजार ४८ अंकले बढ्दा पनि यो दिन वाणिज्य बैंक, विकास बैंक र म्युचुअल फण्ड समूहको परिसूचक भने घटेको छ । म्युचुअल फण्ड भने सबैभन्दा धेरै ७.६ प्रतिशतले बढेको देखिएको् छ ।

बजारमा आज १ सय ७३ कम्पनीमध्ये १ सय २५ कम्पनीको मूल्य बढेको छ । ३६ कम्पनीको मूल्य घटेको छ भने बाँकी १२ कम्पनीको मूल्यमा कुनै परिवर्तन भएको छैन । यो दिन ३६ वटा कम्पनीको सेयर मूल्य ९ प्रतिशत भन्दा धेरैले बढेको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस
प्रतिक्रिया दिनुहोस