
२५ माघ, काठमाडौं । नेकपा ओली समूहले राष्ट्रिय युवा संघको संयोजकबाट रामप्रसाद सापकोटा ‘दीपशिखा’लाई हटाएको छ ।
संगठनको अनुशासनविपरीत काम गरेको र फुटपरस्त गतिविधि गरेको भन्दै संयोजकबाट हटाइएको केन्द्रीय सदस्य प्रभातविक्रम कटवालले जानकारी दिए । संयोजकमा रमेश पौडेललाई चयन गरिएको उनको भनाइ थियो ।
आजको बैठक पनि रमेश पौडेलकै अध्यक्षतामा बसेको उनले बताए । नेकपा विभाजन भएयता जनवर्गीय संगठनहरू पनि फुटेका छन् । एकले अर्को पक्षलाई कारबाहीको घोषणा गर्दै बैठक, भेलाहरू चलिरहेका छन् ।
प्रतिक्रिया दिनुहोस