'
२६ माघ, काठमाडौं । सञ्चार तथा सूचना प्रविधिमन्त्री पार्वत गुरुङले यातायात व्यवसायलाई प्रविधिमैंत्री बनाउने प्रतिवद्धता व्यक्त गरेका छन् । मन्त्री गुरुङले ट्याक्सी, बस, कारलगायतका सार्वजनिक सवारी साधन सञ्चालनको कामलाई प्रभावकारी बनाउन यातायातको क्षेत्रलाई प्रविधिमैंत्री बनाउन लागिपर्ने बताएका हुन् ।
सोमबार सिंहदरवारस्थित आफ्नै कार्यकक्षमा नेपाल राष्ट्रिय मिटर ट्याक्सी व्यवसायी तथा चालक सेवा समाजका पदाधिकारीसँगको सामूहिक भेटमा उनले ग्राहकलाई ठगिन नदिन तथा सडक जामलगायतका समस्या नहुने व्यवस्था मिलाउन पनि यातायात व्यवसायलाई प्रविधिसँग जोडेर अघि बढनुको विकल्प नरहेको स्पष्ट पारे ।
त्यस अवसरमा मन्त्री गुरुङले अन्तर्राष्ट्रिय मापदण्डको आधारमा सवारी साधनहरुको सञ्चालन र व्यवस्थापन गर्न सवारी चालकहरुलाई आग्रह समेत गरे । उनले सामाजिक सेवाको भावनाअनुसार बिरामीहरुलाई निःशुल्क सेवा दिन पनि सवारी चालकहरुको ध्यानाकर्षण गराए ।
यता समाजका अध्यक्ष पूर्णलाल मोक्तानले जथाभावी भाडा असुली गरिरहेका तथा ऐन विपरित सञ्चालनमा आएका निजीकार, भ्यान, जीपको अनुगमन गरी कार्वाही गर्न माग गरेका थिए । जवाफमा मन्त्री गुरुङले भौतिक पूर्वाधार तथा यातायात मन्त्रालयमार्फत् यातायात ऐन प्रतिकूल हुने गरी सञ्चालनमा आएका सवारी साधनहरुको व्यवस्थापनमा लागिपर्ने बताएका थिए ।
भेटमा समाजले समय सापेक्ष सार्वजनिक सवारी साधनको भाडादरमा समायोजन गर्न, चालक तथा चालक मजदूरहरुलाई सामाजिक सुरक्षा कोषमा समावेश गर्नुपर्ने लगायतका १४ बुँदे मागसहितको ज्ञापनपत्र मन्त्री गुरुङलाई बुझाएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
त्रिदेशीय फुटबलको फाइनल हेर्न प्रधानमन्त्री ओली रंगशाला जाने
२०७७ चैत्र १६ गते सोमवार
लुम्बिनी प्रदेशमा पहिलो चौमासिकमा ८२३ घरेलु हिंसा
२०७७ मङ्सिर १९ गते शुक्रवार
वैकल्पिक विधि प्रभावकारी नबनेपछि विद्यालयबाटै पढाइ सुरू
२०७७ पुष १५ गते बुधवार
एनआरएनएको विधान र आर्थिक प्रतिवेदन पारित
२०७७ माघ १३ गते मङ्गलवार