'
१ फागुन, काठमाडौं । आजभाेलि सहरमा चिया र कफी दुवैकाे फेसन बढ्दाे छ । कफी पसलहरु मात्र हाेइन, चिया पसलहरु पनि खुल्ने क्रम बढ्दाे छ । र, धेरैले चिया वा कफी के पिउने भन्ने आफ्नाे राेजाइ पनि बुझिसकेका छन् । कतिलाई चिया नै मन पर्छ भने कतिलाई कफी । तर, स्वास्थ्यका हिसाबले कुन ठीक त ? चिया कि कफी ?
अनुसन्धानहरुका अनुसार पहिले कफीभन्दा चियामा बढी क्याफाइन हुन्छ । तर, पाकिसकेपछि कफीमा धेरै क्याफाइन रहन्छ । हाम्राे शरीरलाई दिनभर काम गर्नका लागि चाहिने शक्तिका लागि क्याफिन फाइदाजनक हाे तर अत्याधिक क्याफिन हाम्रा लागि ठिक नहुन सक्छ । त्यसैले याे सन्दर्भमा कफीभन्दा चिया नै राम्राे मान्न सकिन्छ ।
चियामा हुने एन्टीअक्सिडेन्ट्सले हाम्राे शरीरलाई डिटक्स गर्न सहयाेग गर्छ । झन् ग्रिन टीमा याे बढी हुन्छ । कफीमा एन्टीअक्सिडेन्ट्स चियाभन्दा निकै कम हुने भएकाले याे अर्थमा पनि चियालाई राम्राे मान्ने गरिएकाे छ ।
तर यदि काेही पनि व्यक्ति मधुमेहकाे बिरामी हाे भने उसले चियाभन्दा कफी पिउनु राम्राे मानिन्छ । कफीलाई टाइप टु डायबिटिजकाे खतरा कम गर्ने पेय पदार्थका रुपमा पनि लिइन्छ । शरीरकाे ताैल घटाउन पनि चियाभन्दा कफी राम्राे मानिन्छ । तर, जिम वा अन्य कुनै अभ्यास नगर्नेहरुलाई चाहिँ ब्ल्याक टि नै राम्राे हुने अध्ययनहरुले देखाएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भोली ग्यापु र सिभिल मलको ‘न्यू इयर कन्सर्ट’
२०७७ पुष १६ गते बिहिवार
जुम्ला कारागारमा पानी र बिजुलीको समस्या
२०७७ असोज १४ गते बुधवार
भिरबाट लडेर घाइते भएकी बालिकाको हेलिकप्टरमार्फत उद्धार
२०७८ असार ६ गते आइतवार
अत्यावश्यक वस्तुको मूल्य एकाएक अकासिन थालेपछि सर्वसाधारणलाई चुलो बाल्नै मुस्किल
२०७७ असोज १० गते शनिवार