'
२ फागुन, काठमाडौं । अक्सफोर्ड–एस्ट्रेजेनेका खोपले बालबालिकामा कतिको काम गर्छ भनेर बेलायतमा नयाँ परीक्षण हुँदैछ । बीबीसीका अनुसार यस परीक्षणमा ३ सय स्वयम् सेवकले सहभागिता जनाउँदैछन् । फेब्रुअरीको अन्त्यमा उनीहरुलाई पहिलो डोज लगाइनेछ ।
खोपले ६ वर्षदेखि १७ वर्षसम्मका बालबालिकामा बलियो प्रतिरोधी प्रतिक्रिया उत्पन्न गराउँछ वा गर्दैन भनेर अनुसन्धानकर्ताहरुले परीक्षण गर्नेछन् । अनुसन्धानमा सहभागिता जनाउनका लागि चारवटा अध्ययन क्षेत्र नजिक बस्ने स्वयम् सेवकहरुलाई आह्वान गरिएको छ ।
अक्सफोर्ड विश्वविद्यालय, लण्डनस्थित सेन्ट जर्ज विश्वविद्यालय अस्पताल, साउथ ह्याम्पटन विश्वविद्यालय अस्पताल र ब्रिस्टल रोयल बाल अस्पताल यस परीक्षणका अध्ययन क्षेत्र हुन् । परीक्षणमा सहभागिता जनाउन चाहनले छोटो प्रश्नोत्तरमा सहभागी हुनुपर्नेछ ।
पेडियट्रिक संक्रमण तथा इम्युनिटीका प्रोफेसर एन्ड्रियु पोलार्डले अधिकांश बालबालिकाहरु कोरोनाबाट प्रभावित नभएको बताए । अक्सफोर्ड भ्याक्सिन परीक्षणका मुख्य अनुसन्धानकर्ता समेत रहेका पोलार्डले बालबालिकाहरु भाइरसबाट बिरामी हुने सम्भावना निकै कम रहेको बताए । यद्यपि, बालबालिका र युवामा खोपको सुरक्षा र प्रतिरोधी प्रक्रिया स्थापित गर्नु महत्वपूर्ण रहेको उनले बताए, यस्तो हुँदा केही बालबालिकालाई फाइदा पुग्नेसक्ने उनको धारणा छ ।
बेलायतमा अक्सफोर्ड–एस्ट्रेजेनेकाको खोपलाई बालबालिकामा प्रयोग गर्ने अहिलेसम्म कुनै योजना बनेको छैन, बेलायतमा अहिलेसम्म १८ वर्षमाथिका व्यक्तिमा मात्रै यो खोपले प्रयोगको अनुमति पाएको छ । त्यस्तै, फाइजर–बायोन टेक खोपले पनि १६ वर्षमाथिका व्यक्तिहरुमा मात्रै प्रयोगको अनुमति पाएको छ । यसको अर्थ १६ वर्षमुनीका व्यक्तिहरुमा अति खराब अवस्थामा पनि खोपको प्रयोग हुँदैन । बीबीसी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
जर्जियामा चुनावी सरगर्मी बढ्यो, बाइडेनको अग्निपरीक्षा
२०७७ पुष २१ गते मङ्गलवार
चितुवाको छाला र हड्डीसहित ३ जना पक्राउ
२०७७ पुष ११ गते शनिवार
कास्कीमा जेठ १४ गतेसम्म निषेधाज्ञा थप
२०७८ जेष्ठ ५ गते बुधवार
बाढीले अवरुद्ध १० मेगावाटको तल्लो मोदी ‘१’ को उत्पादन पुनः सुरू
२०७८ असार २८ गते सोमवार