'
९ फागुन, काठमाडौं । स्पेनिस ला लिगा अन्तर्गत शनिबार राति भएको खेलमा शीर्ष स्थानमा रहेको एट्लेटिको मड्रिड पराजित हुँदा दोस्रो स्थानमा रहेको रियल मड्रिडले कठिन जित हात पारेको छ । एट्लेटिको मड्रिड लेभान्टेसँग २–० ले पराजित हुँदा रियल मड्रिडले भाल्लाडोलिडमाथि १–० को जित हात पारेको हो ।
लेभान्टेको जितमा जोर्ज डी फ्रुटोसले एक गोल गरे भने एक गोल एटलेटिकोका मारिओ हेर्मोसले आत्मघाती गोल गरेका थिए । यो हारपछि पनि एट्लेटिको म्याड्रिड ला लिगाको शीर्ष स्थानमा कायम रहेको छ । एट्लेटिको २३ खेलमा ५५ अंकसहित शीर्ष स्थानमा रहेको छ भने लेभान्टे यो जितपछि २४ खेलमा ३१ अंक हासिल गर्दै लिगमा आठौ स्थानमा उक्लिएको छ ।
यस्तै रियल म्याड्रिडको जितमा खेलको ६५ औं मिनेटमा कासामिरोले गरेको खेलको एक मात्र गोल नै निर्णायक भएको थियो । यो जितपछि रियल म्याड्रिडले शीर्ष स्थानमा रहेको एटलेटिकोको अन्तर कम गरेको छ ।
गएराती भएको खेलमा एटलेटिको पराजित भएपछि एट्लेटिको २३ खेलमा ५५ अंक छ भने रियल म्याड्रिडको २४ खेलमा ५२ अंक रहेको छ । त्यस्तै तेस्रो स्थानमा रहेको बार्सिलोनाको २२ खेलमा ४६ अंक रहेको छ । त्यसैगरी रियल भाल्लाडोलिडको भने २४ खेलमा केवल १९ अंक रहेको छ र लिगमा १९औं स्थानमा रहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
सोमबार थप १३५१ जनामा कोरोनाको संक्रमण पुष्टि
२०७७ असोज १२ गते सोमवार
६५ रुपैयाँमा खाना खान पाइने रेस्टुरेन्ट खुल्यो
२०७७ माघ १७ गते शनिवार
राष्ट्रपतिसमक्ष निर्वाचन आयोगको वार्षिक प्रतिवेदन पेश
२०७७ माघ ५ गते सोमवार
बैशाखयता पहिरोबाट ज्यान गुमाउनेको संख्या १७८
२०७७ साउन २३ गते शुक्रवार