
१२ फागुन, काठमाडौं । अघिल्लो दिन तोलामा एक हजार १०० रुपैयाँले बढेको सुनको भाउ बुधबार ३०० रुपैयाँले ओरालो लागेको छ ।
नेपाल सुनचाँदी व्यवसायी महासंघका अनुसार आजका लागि छापावाला सुन तोलाको ८९ हजार ८०० कायम गरेको छ । मंगलबार तोलाको ९० हजार १०० रुपैयाँमा कारोबार भएको थियो । यस्तै तेजाबी सुन तोलामा रु ८९ हजार ३५० मा कारोवार हुने गरी मूल्य निर्धारण भएको छ ।
यस्तै चाँदी आज तोलामा रु १५ ले घटेको छ । रु एक हजार ३६० मा मङ्गलबार कारोवार भएको चाँदी आज भने रु एक हजार ३४५ मूल्य निर्धारण भएको हो ।
प्रतिक्रिया दिनुहोस