'
१४ फागुन, काठमाडौं । सानिमा बैङ्क लिमिटेड र पाटन अस्पताल बीच निम्न आर्थिक अवस्था भएका महिलाहरुको उपचारका लागि गत वर्ष भएको सम्झौता नवीकरण गरिएको छ ।
उक्त सम्झौताअन्तर्गत सानिमा बैङ्कले निम्न आयस्तर भएका महिलाहरुलाई प्रति व्यक्ति २० हजारसम्म उपचारका लागि सहयोग उपलब्ध गराउँदै आएकोमा सो सम्झौता पुनः नवीकरण गरिएको हो ।
सानिमा बैङ्कले प्रत्येक “नारी बचत खाता” बापत बैङ्कको तर्फबाट मासिक १ को दरले नारी सामाजिक कोषमा रकम जम्मा गर्दैै आएको छ । उक्त संकलित रकम नारी उत्थानका लागि खर्च गर्ने उद्देश्यले नै बैङ्कले पाटन अस्पतालसँग यो सम्झौता पुनः नवीकरण गरेको हो ।
सानिमा बैङ्कको केन्द्रीय कार्यालय नक्साल काठमाडौंमा आयोजित एक कार्यक्रमका बीच उक्त सम्झौतापत्रमा सानिमा बैङ्कका तर्फबाट प्रमुख कार्यकारी अधिकृत भुवन कुमार दाहाल र पाटन अस्पतालका तर्फबाट निर्देशक प्रा.डा. रवि शाक्यले हस्ताक्षर गरे ।
बैङ्कले सामाजिक उत्तरदायित्वअन्तर्गत अस्पताललाई उपलब्ध गराउने सो सहयोग रकमले निम्न आयस्तर भएका महिलाहरुको उपचारमा राहत पुग्नका साथै बैङ्कको सो कदम प्रशंसनीय रहेको पाटन अस्पतालका निर्देशक शाक्यले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
वाग्मती नगरपालिकामा २०० बिघामा पोखरी निर्माण हुँदै
२०७७ भाद्र ८ गते सोमवार
महामारीविरुद्धको लडाइँमा प्रवासी नेपालीले दिए स्वास्थ्य सुरक्षा सामग्री
२०७८ बैशाख २९ गते बुधवार
हाम्रो पात्रोमा समाचार सूचीकृत गरिदिने भन्दै रकम माग गरेको सम्बन्धमा ध्यानाकर्षण
२०७७ साउन ७ गते बुधवार
राप्रपाले मनोनयन गर्यो प्रदेश अध्यक्ष र उपाध्यक्ष
२०७७ फाल्गुन २६ गते बुधवार