'
१९ फागुन, काठमाडौं । निर्मता तथा निर्देशक मिलन चाम्सले ‘गोर्खा वारियर–२’ बनाउने घोषणा गरेका छन् । काठमडौंमा मंगलबार एक कार्यक्रम गर्दै चाम्सले ‘गोर्खा वारियर–२’को घोषणा गरेका हुन् । लन्डन सिनेआई प्रोडक्सन र चाम्स इन्टरटेन्मेन्टको सहकार्यमा बन्ने फिल्मको छायाँकन २७ फागुनबाट हुने बताइएको छ । फिल्ममा सुरेश राई र पूर्ण लिम्बु सह–निर्माताको रुपमा रहेका छन् ।
‘गोर्खा वारियर २’ले गोर्खालीहरुको बहादुरी र वीरताको कथा भन्ने निर्देशक चाम्सले जानकारी दिए । कार्यक्रममा चाम्सले ‘गोर्खा वारियर’का ४ वटा सिरिज बनाउने पनि घोषणा गरे । अघिल्लो वर्ष नै सुटिङ सुरु भएको ‘गोर्खा वारियर’लाई थाँती राख्दै ‘गोर्खा वारियर २’ तयारी गरेको उनले बताए ।
‘कोरोना महामारीका कारण ‘गोर्खा वरियर्स’को सुटिङ बीचमै रोकियो, त्यसले फिल्मको बजेट पनि निकै बढ्यो,’ निर्देशक चाम्सले भने, ‘अहिले ‘गोर्खा वारियर’लाई थाँती राख्दै ‘गोर्खा वारियर–२’लाई अगाडि बढाएका छाैं।’ ‘गोर्खा वारियर २’ सकिएपछि ‘गोर्खा वारियर’को काम पनि अगाडि बढाउने उनले बताए ।
फिल्ममा रितेश चाम्स, रेविका गुरुङ र विजय लामा लामा मुख्य भूमिका रहने छन् । यस्तै बुद्धी तामाङ, रियर राई, भूवनसिंह राई, शिशिर वाङ्देल, सारा राई, कविता आलेलगायतका कलाकार पनि फिल्ममा हुने छन् । फिल्मका सम्पूर्ण गीत सशस्त्र प्रहरी बलमा आईजिपी शैलेन्द्र खनालले लेखेका हुन् । गीतमा एलिस कार्कीको संगीत र राजेशपायल राइको स्वर रहनेछ ।
फिल्मका कथा निर्देशक चाम्सै आफैंले लेखेका हुन् भने पटकथा/संवाद गिरिजा घिमिरेको छ । फिल्म सुदीप बरालले खिच्ने छन् भने द्वन्द्वनिर्देशक हिमाल केसीले गर्ने छन् । फिल्मको सुटिङ मलेसिया, बेलायत र नेपाल गरिने छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मुख्यमन्त्री पौडेल विश्वासको मत प्राप्त गर्न सक्षम हुनुहुन्छ : मन्त्री फुँयाल
२०७७ पुष १९ गते आइतवार
काठमाडौं उपत्यकामा थपिए ३६३ जना कोरोना संक्रमित
२०७७ पुष २ गते बिहिवार
पर्सामा स्राेत नखुलेको साढे १५ लाख रुपैयाँसहित तीन जना पक्राउ
२०७८ असोज १५ गते शुक्रवार
शान्ति समाजको पाँच वर्षे छात्रवृत्ति अभियान प्रारम्भ
२०७७ माघ ६ गते मङ्गलवार