'
१९ फागुन, काठमाडौं । नेपाल पर्यटन बोर्डको उपाध्यक्षमा चन्द्रप्रसाद रिजाल नियुक्त भएका छन् । गत मंगलबार बसेको बोर्डको कार्यकारी समितिले रिजाललाई उपाध्यक्षमा चयन गर्ने निर्णय गरेको हो । उपाध्यक्षमा नियुक्त भएका रिजाल यसअघि बोर्डका कार्यकारी सदस्य समेत हुन् । गत माघ २३ गते बसेको बोर्डको बैठकले रिजालसहित पर्यटन व्यवसायी ङावा ङिमा शेर्पा र कृष्णकुमार शाहलाई समेत कार्यकारी समिति सदस्यमा नियुक्त गरेको थियो ।
यता विप्लव पौडेल र पम्फा धमला यस अघिनै बोर्डको सदस्यमा चयन भइसकेका छन् । टानका पूर्व अध्यक्ष समेत रहेका व्यवसायी रिजाल उपाध्यक्ष चयन भएसँगै पर्यटन बोर्डले १३ वर्षपछि उपाध्यक्ष पाएको छ । पछिल्लो पटक २०६४ साल कार्तिक २२ गते पर्यटन व्यवसायी प्रकाश श्रेष्ठ उपाध्यक्ष भएर कार्यकाल पूरा गरेसँगै हालसम्म बोर्डमा सो पद खाली रहँदै आएको थियो ।
नेपाल पर्यटन बोर्ड ऐन, २०५३ को व्यवस्था अनुसार बोर्डमा संस्कृति पर्यटन तथा नागरिक उड्डयन मन्त्रालयका सचिव, अध्यक्ष, बोर्डका कार्यकारी प्रमुख सदस्य सचिव तथा पर्यटन प्रर्वद्धन गर्ने कार्यमा संलग्न पर्यटन व्यवसायी, पर्यटन तथा प्राकिृतिक एवं सांस्कृतिक सम्पदासंग सम्बन्धित विशेषज्ञहरूमध्येबाट सरकारले मनोनित गरेका पाँच जना सदस्य र अर्थसहित विभिन्न मन्त्रालय र विभागबाट प्रतिनिधित्व गर्ने चार जना सदस्य गरी ११ जनाको कार्यकारी समिति रहने व्यवस्था छ ।
उपाध्यक्षको हकमा निजी क्षेत्रबाट बोर्ड सदस्यमा मनोनित सदस्यहरू मध्येबाट बोर्डका सदस्यहरुले छानेका एक जना सदस्य उपाध्यक्ष बन्ने व्यवस्था अनुरुप रिजाल उपाध्यक्षमा चयन भएका हुन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नारायण नगरपालिकामा नेपाल बैंकको २०५ औं शाखा
२०७७ चैत्र ५ गते बिहिवार
विश्वविद्यालय स्थापना भएको एक दशकपछि प्रशासनिक भवन निर्माण
२०७७ कार्तिक २७ गते बिहिवार
बैङ्क तथा वित्तीय संस्थाको कर्जा प्रवाह ह्वात्तै बढ्यो
२०७७ फाल्गुन १८ गते मङ्गलवार
भारतको महाराष्ट्रमा तीन तले भवन भत्कियो, ८ जनाको मृत्यु
२०७७ असोज ५ गते सोमवार