'
२४ फागुन, काठमाडौं । साउदी अरबको तेल प्रतिष्ठानमाथि कथित हमलाको रिपोर्टपछि सोमबार कच्चा तेलको मूल्य ७० डलर प्रति ब्यारल पार पुगेको छ जबकी अमेरिकी कच्चा तेलको मूल्य पछिल्लो दुई हप्तामा सबैभन्दा महँगो भएको छ ।
कोरोना महामारीको सुरुवातपछि पहिलो पटक कच्चा तेल मूल्यमा यत्तिको वृद्धि भएको हो । समाचार एजेन्सी रोयटर्सका अनुसार सुरुवाती एशियाली व्यापारका बेला मेका लागि कच्चा तेलको मूल्य ७१.३८ डलर प्रति ब्यारल पुगेको छ जुन ८ जनवरी २०२० पछि सबैभन्दा धेरै हो ।
यमनको हूती विद्रोहीले साउदी अरबको तेल उद्योग केन्द्रमा आइतबार कथित रुपमा ड्रोन र मिसाइल हमला गरेको थियो । यसमा रास तनूराको महत्वपूर्ण साउदी आरामकोको तेलको खानीलाई पनि निशाना बनाएको बताइएको छ । साउदी अरबले यसलाई असफल हमला बताएको छ । विश्लेषकका अनुसार यस्तो प्रकारको लगातारको हमलापछि तेल बजारमा चाँडै नै मूल्यवृद्धि देख्न सकिन्छ ।
स्मरण रहोस् मार्च ४ को साउदी अरबको जेद्दाहमा हमलाको घटनापछि यो दोस्रो मामिला हो । ओपेक र उसका सहयोगी उत्पादनमा कटौतीको निर्णयपछि ब्रेन्ट र डब्ल्यूटीआई कच्चा तेलमा यो लगातारको चौथो मूल्यवृद्धि हो ।
यस्तै, चीनको कच्चा तेलको मागमा सन् २०२१ को सुरुवाती दुई महिनामा अघिल्लो वर्षको तुलनामा ४.१ प्रतिशतको वृद्धि दर्ता गरिएको छ । चीन संसारको सबैभन्दा बढी तेल आयात गर्ने देश हो । चीनले आफ्नो रिफाइनिङ क्षमता बढाएको छ र उसको तेलको माग लगातार बढिरहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भक्तपुरमा माटाका भाँडा बनाउन भ्याइ-नभ्याई, पहिलेभन्दा माग घट्यो थप सामग्री
२०७७ कार्तिक २४ गते सोमवार
भागरथीलाई न्याय माग्दै ग्रामीण र एनआर क्याम्पसका नेविसंघद्वारा प्रदर्शन
२०७७ माघ २९ गते बिहिवार
चीनले दिएको कोरोनाविरुद्धको आठ लाख डोज खोप नेपाल आइपुग्यो
२०७७ चैत्र १६ गते सोमवार
हराउँदै अक्सिजन सिलिन्डर
२०७८ जेष्ठ ९ गते आइतवार