'
२४ फागुन, सुर्खेत । कर्णाली प्रदेशको मुख्यमन्त्री तथा मन्त्रिपरिषदको कार्यालय अगाडिको खुल्ला चौरमा धर्नामा बसिरहेका वादी समुदायका अधिकांशलाई सरुवा रोग सम्बन्धीका समस्याहरु देखिएको छ । खेतीपाती गरिखाने जमिन दिनुपर्ने माग गर्दै विगत १४ दिनदेखि धर्नामा बसेका अधिकांशलाई छाला सम्बन्धीका रोगसहित रुघा खोकी ज्वरो, दम बढ्ने जस्ता समस्या देखिएको हो ।
खाना र सरसफाइको अभावमा उनीहरुमा यस्ता खालका समस्याहरु देखिन थालेको चिकित्सकहरुले बताएका छन् । जनस्वास्थ्य कार्यालय सुर्खेतले सोमबार उनीहरु बसेको स्थानमा स्वास्थ्य शिविर चलाएको थियो । जसमा दाद, लुतो, घाउखटिरा आउने जस्ता रोगका बिरामीहरु धेरै भेटिएको कर्णाली प्रदेश अस्पतालमा कार्यरत डाक्टर प्रदिप न्यौपानेले जानकारी दिए ।
उनले भने, ‘दम, मधुमेह, उच्च रक्तचाप, लगायतको समस्या भएका वृद्धवृद्धाहरुमा अव्यवस्थित बसाइले समस्या बढेको छ ।’ एउटै पालमुनी सबै परिवारहरु बस्नुपर्ने, खानेपानी, शौचालय र सरसफाइको अभावमा उनीहरुको स्वास्थ्यमा प्रतिकुल असर बढ्दै गएको उनले बताए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोरोना कहर : मनाङ, तेह्रथुम र खोटाङबाहेक सबै जिल्लामा निषेधाज्ञा
२०७८ जेष्ठ २ गते आइतवार
गाई काटेर खान खोज्ने प्रतिवादीविरुद्ध मुद्दा दर्ता
२०७७ भाद्र २४ गते बुधवार
माथिल्लो तामाकोशी जलविद्युत् आयोजनाले वैशाखभित्रै उत्पादन सुरु गर्ने
२०७८ बैशाख ५ गते आइतवार
जोन्सन र बाइडेनबीच सम्बन्ध बलियो बनाउने बारे छलफल
२०७७ माघ ११ गते आइतवार