'
२४ फागुन, काठमाडौं । भारतको सहयोगमा चन्द्रागिरी नगरपालिकास्थित श्री विष्णुदेवी माध्यमिक विद्यालयको पुनर्निर्माण शुरु भएको छ । नेपालका शिक्षा, विज्ञान तथा प्रविधि मन्त्री कृष्णगोपाल श्रेष्ठद्वारा भूमि पूजन गरी विद्यालयको पुनर्निर्माण शुरु गरिएको हो ।
भूमि पूजन कार्यक्रममा भारतीय राजदूतावासको पुनर्निर्माण तथा विकास सहकार्य प्रभागका प्रमुख डा. प्रफुल्लचन्द्र शर्मा, चन्द्रागिरी नगरपालिकाका मेयर घनश्याम गिरि लगायत राष्ट्रिय पुनर्निर्माण प्राधिकरणको केन्द्रीय आयोजना कार्यान्वयन इकाई (भवन)का परियोजना निर्देशक, भारतीय राजदूतावास तथा राष्ट्रिय पुनर्निर्माण प्राधिकरणका अधिकारी, विद्यालय व्यवस्थापन समितिका प्रतिनिधि, स्थानीय सामुदायिक सदस्य तथा विद्यालयका विद्यार्थीहरुको उपस्थिति रहेको थियो ।
६ करोड ४९ लाखको लागतमा पुनर्निर्माण हुन लागेको सो विद्यालय सरकारले निर्धारण गरेको भूकम्प प्रतिरोधी मापदण्ड अनुरुप निर्माण हुने बताइएको छ । शैक्षिक, प्रशासनिक तथा प्रयोगशाला र पुस्तकालय गरी अब बन्ने नयाँ संरचनामा तीनवटा ब्लकहरु हुनेछन् । जसमा १३ वटा कक्षा कोठा, परीक्षा हल, प्रयोगशाला कक्ष, कम्प्युटर कक्ष, पुस्तकालय, विद्यालय व्यवस्थापन समितिका लागि कक्ष, प्रशासनिक कक्ष र छात्र तथा छात्राका लागि छुट्टा छुट्टै सरसफाई संरचनाको सुविधा रहनेछन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लगातारको वर्षाले घर भत्कँदा ६२ वर्षीया महिलाको मृत्यु
२०७८ जेष्ठ ७ गते शुक्रवार
सर्वोच्चले ओलीको साथ टुटाएपछि महन्थसामु दुई विकल्प
२०७८ असार ९ गते बुधवार
प्रधानन्यायाधीशको प्रश्न : यो सरकार केपी ओलीको हो कि नेकपाको ?
२०७७ फाल्गुन २ गते आइतवार
सर्वोच्चको आदेशपछि योगेशको प्रतिक्रिया– बुझ्नेलाई श्रीखण्ड नबुझ्नेलाई खुर्पाको बिँड
२०७८ असार ८ गते मङ्गलवार