'
१ चैत, काठमाडौं । नेपाल इन्फ्रास्ट्रक्चर बैंकले लन्डन स्टक एक्सचेन्जमा ३० मिलियन डलर बराबरको बोण्ड जारी गर्ने भएको छ । निफ्राका प्रमुख कार्यकारी अधिकृत रामकृष्ण खतिवडाले चालू आर्थिक वर्षभित्रै लन्डन स्टक एक्सचेन्जमा बोण्ड जारी गर्न लागिएको जानकारी दिए ।
आइतबार राजधानीमा आयोजित नेपाल आर्थिक पत्रकार संघ(नाफिज) को ‘आर्थिक संवाद’ कार्यक्रममा बोल्दै खतिवडाले भने, ‘चालू आर्थिक वर्षभित्रै लन्डन स्टक एक्सचेन्जमा सूचीकृत हुने गरी बैंकले ३० मिलियन डलर बराबरको बन्ड जारी गर्दैछ । यसका लागि नेपाल राष्ट्र बैंकबाट बैंकले स्वीकृति पाइसकेको छ ।’
सिइओ खतिवडाका अनुसार सो बोन्ड कार्यान्वयनमा आइसकेपछि लगानीकर्ताले ८.५ प्रतिशतको प्रतिफल पाउने छन् । उक्त बोण्ड लन्डनकै एक प्रसिद्ध संस्थाले ‘क्रेडिट र्यापिङ’ गरि जारी हुने समेत खतिवडाले जानकारी दिए । पाँच वर्षे अवधिको सो बोन्डबाट प्राप्त रकमलाई नेपालका ठूला विकास पूर्वाधारमा लगानी गरिने खतिवडाको भनाई छ ।
सो अवसरमा सिइओ खतिवडाले निफ्रामा रणनीतिक साझेदार भित्र्याउने विषयमासमेत छलफल गरिरहेको बताएका छन् । ठूला विकास पूर्वाधारमा लगानी गर्ने उदेश्यले स्थापित निफ्राका लगानीकर्ताले प्रतिफलको चिन्ता गर्नै नपर्ने उनले स्पष्ट पारे ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
राप्रपाको महाधिवेशन आगामी जेठ २२ देखि २५ गतेसम्म काठमाडौंमा हुने
२०७८ बैशाख ६ गते सोमवार
जो बाइडेनका छोरा हन्टर बाइडेन करसम्बन्धी छानबिनकाे दायरामा
२०७७ मङ्सिर २५ गते बिहिवार
नयाँ पाठ्यक्रम २०८० सम्ममा कार्यान्वयन, शिक्षकलाई तालिम दिइने
२०७७ माघ ५ गते सोमवार
डिशहोम फाइबर नेट सेवा नेपालका प्रमुख शहरहरुमा विस्तार
२०७८ असार २२ गते मङ्गलवार