
५ चैत, काठमाडौं । नेपाली सेनाको मुख्यालयको एक भवनमा आज ‘सटसर्किट’ भई आगलागी भएको छ । आर्मी अफिसर्स क्लबको साउना रुममा सटसर्किट भई केही धुवाँ आएको सेनाका प्रवक्ता सन्तोषबल्लभ पौडेलले जानकारी दिए ।
उनले कुनै जनधनको क्षति नभएको र घटना एकदमै सामान्य रहेको बताए । “साढे १२ बजे सटसर्किट भई दुघर्टना भएको र साढे १ सम्ममा घटना नियन्त्रणमा आइसकेको थियो,” उनले भने । सटसर्किट के कारणले भयो ? भन्नेबारे अनुसन्धान भइरहेको जंगीअड्डाले जनाएको छ ।
प्रतिक्रिया दिनुहोस