'
६ चैत, काठमाडौं । कमेडी रियालिटी शो ‘कमेडी च्याम्पियन सिजन २’ को ग्रान्ड प्रिमियर गरिएको छ । शो को छाँया सेन्टरमा कार्यक्रमको पहिलो भाग देखाएर ग्रान्ड प्रिमियर गरिएको हो ।
प्रिमियरमा उत्कृष्ट २४ मा परेका प्रतियोगीप पनि चिनाइएको थियो । निर्णायक मनोज गजुरेल र हाँस्यकलाकार सुवोध गौतमको प्रस्तुतिबाट सुरु गरिएको प्रिमिएरमा टप २४ भित्र परेका ४ प्रतियोगीको प्रस्तुति देखाइएको थियो । सिक्किमका विक्की अग्रवालको प्रस्तुति कार्यक्रमको सुरुमा देखाइएको थियो भने त्यसपछि कैलाश कार्की, सन्तोष थापा र सुन्दर खनालको प्रस्तुति राखिएको थियो ।
४ प्रतियोगीका प्रस्तुतिलाई निर्णायकले उत्कृष्ट प्रतिक्रिया दिए । ‘कमेडी च्याम्पियन सिजन २’को प्रशारण २१ फागुनबाट नै सुरु भएको थियो । तर, फिजिकल अडिसनबाट उत्कृष्ट २४ छानेपछि मात्रै ग्राण्ड प्रिमियर गरेको हो ।
यस वर्ष कमेडी च्याम्पियनमा सहभागीताका लागि ६ हजार बढी मानिसले डिजिटल अडिसन दिएका थिए । ती मध्ये १ सय २० जना फिजिकल अडिसनका लागि छानिएका थिए । शोमा यो बर्षपनि सन्तोष पन्त, मनोज गजुरेल, प्रदिप भट्टराई र ऋचा शर्मा निर्णायकको रुपमा रहेका छन् ।
विशाल भण्डारी निर्देशक रहेको शोको कार्यकारी निर्माता केकी अधिकारी, रीमा विश्वकर्मा, विशाल भण्डारी र राज घिमिरे हुन् । कमेडी च्याम्पियन हरेक शुक्रबार र शनिबार कान्तिपुर टिभीमा प्रशारण हुन्छ । युट्युबमा पनि यसलाई हेर्न सकिनेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
दराज १२.१२ मा विशेष छुटका साथ नयाँ सामसङ एस २० एफई जित्ने मौका
२०७७ मङ्सिर २४ गते बुधवार
नेकपाले बोलायो सचिवालय बैठक
२०७७ साउन ३२ गते आइतवार
ट्रकले ठक्कर दिँदा स्कुटरमा सवार युवतीको मृत्यु
२०७७ चैत्र ६ गते शुक्रवार
पार्टीभित्रबाटै काम गर्न असहज भयो : पर्यटनमन्त्री ढकाल
२०७७ पुष १८ गते शनिवार