'
८ चैत, काठमाडौं । थापाथलीस्थित ‘द ब्रिटिस कलेज’ले नयाँ भर्ना भएका विद्यार्थीहरुको लागि ओरिन्टेसन कार्यक्रम सम्पन्न गरेको छ । शुक्रबार सम्पन्न उक्त कार्यक्रममा मार्च इन्टेकको लागि भर्ना भएका विद्यार्थीहरुको सहभागिता रहेको थियो ।
लाजिम्पाटस्थित र्याडिसन होटलमा सो कार्यक्रम आयोजना भएको हो । बीएस्सी (हन्स) कम्प्युटिङ, बीबीए तथा बीएच एममा भर्ना भएका विद्यार्थीहरुलाई स्वागत गरिएको थियो । कोभिड–१९ को महामारीको कारण सन् २०२० मा धेरै कठिनाईहरु भोगे पनि कलेजले गुणस्तीय शिक्षा प्रदान गर्न कुनै कसर बाँकी राखेन । हाल नेपालमा कोरोना संक्रमितको संख्या कम हुँदै गइरहेको अवस्थामा कलेजले ओरेन्टियसन कार्यक्रमको आयोजना गरेको हो ।
नेपालमा कोरोना संक्रमितको संख्या बढिरहेको बेलामा पनि कलेजले विद्यार्थीहरुलाई प्रभावकारी ढंगले अनलाईन शिक्षा प्रदान गर्दै आइरहेको छ । सो समयमा कलेजले अनलाईनबाट पाठ्यक्रमलाई अघि बढाउने मात्र नभई विभिन्न सेसनहरु, वेभमिनार तथा ग्राजुयसन कार्यक्रमको पनि आयोजना गरेको थियो । कार्यक्रममा कलेजका एशोसियट डिन अरुणलाल जोशीले आफ्नो स्वागत मन्तव्य राखेका थिए । उनले कोभिड– १९ को अवस्थाअझै सामान्य नबनेकोले यो समयमा स्वास्थ्य सतर्कतामा विशेष ध्यानाकर्षण गराएका थिए ।
साथै, उनले यो अवस्थामा पनि गुणस्तरीय शिक्षा प्रदान गर्नमा कलेजद्वारा कुनै पनि सम्झौता नहुने प्रतिबद्धता स्वागत मन्तव्यमा गरे । औपचारिक कार्यक्रमको समापन बीबीए प्रोगाम लिडर सौरभ सत्यालले गरेका थिए । कलेजमा हाल विद्यार्थीहरुको भौतिक उपस्थिति तथा अनलाइनबाट कक्षा लिइरहेको छ । एडमिसन तथा मार्केटिङ विभागका प्रमुख अमरदिप मण्डलले हाल बीबीए, बीएचएम र बिएस्सी कप्युटिङको भर्ना कार्यक्रम अझै चलिरहेको जानकारी दिए ।
उनले भौतिक उपस्थितिमा कक्षा लिइए पनि कलेजको हातामा अनिवार्य मापदण्ड अपनाउनुपर्ने व्यवस्था मिलाइएको जानकारी दिए । हालको अवस्थामा दैनिक रुपमा नयाँ संक्रमितको संख्या कम हुँदै गए पनि सरकारले तय गरेको मापदण्डलाई लागू गर्दै सुरक्षित तरिकाले ओरियन्टेशन कार्यक्रम सम्पन्न भएको हो । कार्यक्रममा सहभागीहरु सबैले मास्कदेखि स्यानिटाइजर सम्मका सबै प्रविधिहरू प्रयोग भएका थिए । त्यसैगरी कार्यक्रम स्थलमा पनि भौतिक दूरी कायम गरिएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
लण्डनमा एक नेपाली सेफको हत्या
२०७७ पुष २९ गते बुधवार
भारतको उत्तराखण्डमा पाँच प्रदेशबाट आउनेलाई अनिवार्य कोरोना परीक्षण
२०७७ फाल्गुन ११ गते मङ्गलवार
कोरोना संक्रमितको संख्या तीन लाख नाघ्यो
२०७८ बैशाख १२ गते आइतवार
नेपालका लागि बेलायतको राजदूतमा लोकदर्शन रेग्मी नियुक्त
२०७७ माघ ५ गते सोमवार