'
९ चैत, काठमाडौं । अमेरिकी पूर्वराष्ट्रपति डोनाल्ड ट्रम्प आफ्नै नयाँ प्लेटफर्मसहित सामाजिक सञ्जालमा फर्कने तयारी गरिरहेको उनका सल्लाहकारले बताएका छन् ।
फक्स न्युजसँग बोल्दै जेसन मिलरले भने, “हामीले अबको दुई–तीन महिनामै ट्रम्पलाई फेरि सामाजिक सञ्जालमा देख्न पाउनेछौँ ।” उनका अनुसार ट्रम्पको नयाँ प्लेटफर्म सामाजिक सञ्जालहरुमध्येको सबैभन्दा चर्चित हुनेछ र सोसल मिडियाको दुनियाँलाई नै बदलिदिनेछ ।
अमेरिकी संसद्माथि हमला गर्न उक्साएको अभियोगपछि गएको जनवरीमा फेसबुक र ट्वीटरले ट्रम्पमाथि प्रतिबन्ध लगाएका थिए । सो घटनामा पाँचजनाको मृत्यु भएको थियो भने त्यसले अमेरिकी लोकतन्त्रको जग नै हल्लाइदिएको बताइन्छ ।
त्यसको केही दिनपश्चात् ट्वीटरले ट्रम्पको व्यक्तिगत अकाउन्टलाई थप हिंसा भड्काउने जोखिमका कारण सधैँका लागि हटाइदिने निर्णय गरेको थियो । ट्रम्पले विगत १० वर्षदेखि ट्वीटरमार्फत समर्थकहरुमाझ आफ्ना भनाइहरु राख्ने गरेका थिए ।
जसमा उनका ९ करोड फलोअर थिए । ट्रम्पको नयाँ सञ्जालका बारेमा भने उनका सल्लाहकार मिलरले विस्तृत जानकारी दिएका छैनन् । आगामी दिनहरुमा ट्रम्पले के गर्छन् भनेर उत्साहपूर्वक प्रतीक्षा गरिरहन उनले सबैलाई आग्रह गरेका छन् । उनका अनुसार यो विषयमा ट्रम्प फ्लोरिडास्थित आफ्नो रिसोर्टमा विभिन्न उच्चस्तरीय बैठक बसिसकेका छन् ।
आफ्नो टिमसँग पनि छलफल गरिरहेका छन् । मिलर भन्छन्, “धेरैवटा कम्पनीले ट्रम्पसमक्ष प्रस्ताव राखिसकेका छन् । त्यसैले यो नयाँ प्लेटफर्म धेरै ठूलो हुनेछ र लाखौँ÷करोडौँलाई आकर्षित गर्नेछ ।” -बीबीसी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
धम्कीपछि भारतमा कोरोना खोप बनाइरहेको कम्पनीको सिइओ परिवारसहित लण्डन भागे
२०७८ बैशाख १९ गते आइतवार
कच्चा सुनको आपूर्ति बढाउन व्यवसायीको माग
२०७७ फाल्गुन २० गते बिहिवार
उपप्रधानमन्त्री पोखरेलसँग राजदूत पोलिटको शिष्टाचार भेट
२०७७ माघ २० गते मङ्गलवार
६५ घरधुरी मिलेर टिमुरखेती
२०७७ चैत्र ७ गते शनिवार