'
९ चैत, काठमाडौं । अपहरणमा परेका म्यानमारका लागि बीबीसीका समाचारदाता आउङ थुरा अपहरणमुक्त भएका छन् । राजधानीस्थित अदालत अगाडि समाचार संकलन कार्य गरिरहेका बेला सादा पोसाकमा आएका व्यक्तिहरुले उनलाई शुक्रबार अपहरण गरेका थिए ।
म्यानमारमा सेनाले चालेको अप्रजातान्त्रिक कदमका विरुद्धमा आन्दोलन चर्किरहेका बेला बेपत्ता भएका पत्रकार सम्पर्कमा आउनुभएको बीबीसीका अधिकारीहरूले सोमबार जनाएका छन् । रिहा भएका पत्रकारका बारेमा र घटनाका बारेमा विस्तृत विवरण भने अहिलेसम्म सार्वजनिक गरिएको छैन ।
बीबीसीका समाचारदातासँगै स्थानीय मिज्जीमाका समाचारदाता थान हटिक अउङ पनि बेपत्ता भएका थिए । उनलाई भने अझै पनि अपहरण मुक्त नगरिएको समाचारमा जनाइएको छ । गत फेब्रुअरी १ मा भएको सैन्य विद्रोह पछिको आन्दोलनका क्रममा म्यानमारमा अहिलेसम्म दुई हजार ६०० जना गिरफ्तार भएका छन् ।
त्यसैगरी अरु २५० भन्दा बढीको मृत्यु भएको पनि विभिन्न निकायको तथ्याङ्कमा उल्लेख गरिएको छ । कतिपय अधिकारकर्मीहरूले भने आन्दोलनका क्रममा मारिएकाहरूको सङ्ख्या अझै धेरै हुनसक्ने दावी पनि गरेका छन् ।
सेनाले नेतृ आङ सान सूचीसहित धेरै नेताहरूलाई अहिले पनि नियन्त्रणमा राखेको छ । सैन्य विद्रोह भएपछि म्यानमारमा पत्रकार मात्रै ४० जना पक्राउ परिसकेको अधिकारीहरूले जनाएका छन् । सेनाले पाँच सञ्चारमाध्यमको अनुमति पनि खारेज गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
बैतडीमा जिप दुर्घटना हुँदा ५ जनाको मृत्यु, ४ जना घाइते
२०७७ मङ्सिर ९ गते मङ्गलवार
निर्णायक कांग्रेस : देउवाकै भरमा नेकपाका दुई समूह
२०७७ फाल्गुन १३ गते बिहिवार
कम्प्युटर इन्स्टिच्युटमा करेन्ट लागेर एक जनाको मृत्यु
२०८० मङ्सिर २८ गते बिहिवार
प्याजमा कालोबजारी : २४ घण्टामा दुई गुणाले मूल्यवृद्धि
२०७७ असोज १ गते बिहिवार