'
१० चैत, काठमाडौं । अमेरिकाको कोलोराडोको बोल्डर शहरमा गोलीबारीको घटनामा प्रहरीसमेत थुप्रैजना मारिएको खबर छ । यो घटनामा प्रहरीसमेत कम्तीमा १० जना मारिएको खबर छ ।
समाचार एजेन्सी एफपीका अनुसार एक बन्दुकधारीले बोल्डर शहरको टेबल मेसा इलाकाको एक ग्रोसरी सुपरमार्केटमा स्थानीय समयानुसार करिब दिउँसो ३ बजे गोलीबारी भएको हो । प्रहरीले एक संदिग्धलाई पक्राउ गरेको छ ।
प्रहरीलाई उद्धृत गर्दै रोयटर्सले दिएको जानकारी अनुसार केही सुरुवाती जानकारी मात्रै प्राप्त गरिएको र हिंसाका कारण के हो भन्ने हालसम्म यकिन हुन सकेको छैन ।
तर स्थानीय मिडियामा देखाइएको भिडियोमा बक्सर मात्रै लगाएका दाह्री भएका गोरा व्यक्तिलाई हत्कडीमा स्टोरबाट बाहिर लैजादैं गरिएको देखिएको छ । त्यसपछि उनलाई स्ट्रेचरमा सुताएर एम्बुलेन्समा लगियो । हिरासतमा लिइएका व्यक्तिको खुट्टाबाट रगत निस्किरहेको थियो र उनी खुट्टा खोच्याएर हिँडिरहेका थिए ।
घटनाका बेला सुपरमार्केटभित्रै रहेका प्रत्यक्षदर्शीले गोलीको आवाज सुनेपछि आफूहरु पछाडिको बाटो हुँदै बाहिर निस्किएको बताए । कम्तिमा आठ गनशट सुन्ने रयान बोरोव्स्कीले सीएनएनसँग भने, ‘एउटा सोडा र चिप्सको प्याकेट खरिद गर्न जाँदा म त झण्डै मरिनँ ।’
दर्जनौं बख्तरबन्द वाहन, एम्बुलेन्स र एफबीआई एजेन्ट, स्वाट टीमसमेत सुरक्षाबल घटनास्थलमा पुगेका छन् । यसअघि अघिल्लो हप्ता पनि दक्षिणपूर्वी जर्जिया राज्यमा एशियालीको स्पामा गोलीबारीको घटना भएको थियो जसमा ८ जना मारिएका थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
श्रीलङ्कामा सङ्क्रमितको सङ्ख्या ८९ हजारभन्दा बढी
२०७७ चैत्र ६ गते शुक्रवार
केपी ओली हिटलरको नेपाली संस्करणः माधव नेपाल
२०७७ माघ ९ गते शुक्रवार
‘नेकपा प्रवेशको लहर चल्यो’
२०७७ माघ २५ गते आइतवार
डेभलपमेन्ट बैंकर्स संघले भन्यो, वर्क फ्रम होम लागु गरौँ
२०७८ बैशाख ३१ गते शुक्रवार