'
१२ चैत, काठमाडौं । काठमाडौं उपत्यकाबाहिर पहिलोपटक कलेजोको सफल प्रत्यारोपण सम्पन्न भएको छ । चितवन मेडिकल कलेजमा राजधानी कलेजले बिहीबार बिहान भरतपुरमा पत्रकार सम्मेलन गरी भरतपुर महानगरपालिका वडा नम्बर १० निवासी ५४ वर्षीय धनकुमारी लामामा कलेजोको सफल प्रत्यारोपण गरिएको जानकारी दिएको हो ।
कलेजका अनुसार लामाकी ३४ वर्षीया छोरी उषा तामाङले प्रत्यारोपणका लागि आमालाई कलेजो दिएकी हुन् । कलेजका विषेशज्ञ चिकित्सकहरू डा सञ्जय यादव, डा एकानन्द सिंह, डा किरण अधिकारी, डा सुरेश गौतम, डा बरुण श्रेष्ठ, डा सागर पौडेल, डा नवीन यादव, डा विज्ञान पौडेल, स्टाफ नर्स अन्जु थापा, श्रुति यादव र सलिना तिवारी, सुमी कार्की, अस्मिता थापा, पुष्पा थापामगर, बायोमेडिकल इन्जिनियर प्रकाश खतिवडा, एपोलो अस्पतालका डा निरज गोयल, डा अरुणकुमार, डा सञ्जीव अनिजालगायतको टिमले १२ घण्टा लगाएर सफल प्रत्यारोपण गरेको हो ।
लामाको स्वास्थ्य जाँच गराउँदा कलेजो काम नलाग्ने गरी बिग्रिएकाले प्रत्यारोपणको विकल्प नभएकाले सो निर्णय गरिएको थियो । बिग्रिएको कलेजोलाई पुनर्जीवन दिन बिरामीको छोरी उषाको शरीरमा असर नपर्ने गरी आवश्यक कलेजोको मात्रा निकालेर प्रत्यारोपण गरिएको चिकित्सकले बताएका छन् । हाल कलेजो ग्रहण गर्ने आमा र कलेजो दान गर्ने छोरी दुवैको स्वास्थ्य सुधारोन्मुख रहेको कलेजले जनाएको छ । शल्यक्रियामा आवश्यक रगत नेपाल रेडक्रस सोसाइटी शाखा कार्यालय चितवनले उपलब्ध गराएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
वाग्मतीबाट १० मेट्रिकटन फोहर व्यवस्थापन
२०७७ माघ १० गते शनिवार
‘५० हजार गैरसरकारी संस्था चाहिन्छ ?’
२०७७ असोज १२ गते सोमवार
अनसन अन्त्य गर्न डा. केसीलाई सरकारी वार्ता टोलीको आग्रह
२०७७ असोज २४ गते शनिवार
मानव तस्करीको आशंकामा २८ बालबालिका सुर्खेत प्रहरीको नियन्त्रमा
२०८१ जेष्ठ २३ गते बुधवार