'
१२ चैत, काठमाडौं । अल्पसंख्यक उइगर मुस्लिममाथि निगरानी गर्ने चिनियाँ ह्याकरको एकाउन्ट फेसबुकले आफ्नो प्लेटफर्मबाट हटाएको छ । फेसबुकले चीनबाहिर रहेका उइगर मुस्लिममाथि निगरानी गर्ने ह्याकरले बनाएका १०० एकाउन्ट र ग्रुप हटाएको हो ।
फेसबुकका अनुसार उक्त समूहले खराब (मेलिसियस) वेबसाइट र एप्लिकेसनहरुको प्रयोग गरेर डिभाइसमाथि नियन्त्रण लिएर निगरानी गरेको थियो । उनीहरुको मुख्य निसानामा पत्रकार र अधिकारकर्मी परेका जनाइएको छ ।
अधिकांश साइबर हमलाहरु फेसबुकमा नभएको स्पष्टीकरण दिँदै फेसबुकले आफ्नो प्लेटफर्ममार्फत अन्य ‘इन्फेक्टेड’ साइटहरु सेयर गरिएको बताएको छ । “यो गतिविधिमा निरन्तरको प्रयास र उच्चतम रिसोर्सको प्रयोग भएको पहिचान गरिएको छ ।
तर, यसको पछाडि कसको हात छ भन्ने स्पष्ट भएको छैन,” फेसबुकको साइबर जासुसी अनुसन्धानका प्रमुख माइक डिल्यान्स्कीले एक ब्लगमा लेखेका छन् । उइगर चीनको सिनजियाङ प्रान्तको उत्तर–पश्चिमी क्षेत्रका बासिन्दा हुन् ।
उनीहरुमाथि दमन तथा यौन र श्रमशोषण गरेको भन्दै चीनको अन्तर्राष्ट्रिय स्तरमा आलोचना भइरहेको छ । पछिल्लो केही वर्षमा चीनले १० लाखभन्दा धेरै उइगरलाई हिरासतमा राखेको आरोप लगाइएको छ । तर, चीनले भने आरोपको खण्डन गर्दै आतंकवादसँग लड्नका लागि ‘पुनः शिक्षित’ गर्न उइगरलाई शिविरमा राखिएको दाबी गर्दै आएको छ । बीबीसी
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
खाद्य बजारमा जीवित जङ्गली जीवजन्तुको बेचबिखन रोक्न डब्लुएचओको आग्रह
२०७७ चैत्र ३१ गते मङ्गलवार
दाङमा ४ वटा बेवारिसे मोटरसाइकल फेला
२०७७ फाल्गुन ८ गते शनिवार
दुर्व्यवहारको डरले लुक्न बाध्य संक्रमित
२०७७ मङ्सिर १५ गते सोमवार
हिल्साका होटेल सुनसान
२०७७ कार्तिक १ गते शनिवार