'
१२ चैत, पाँचथर । यहाँको सडकको ट्र्याक खोल्दै गरेको स्काभेटर पल्टिदा चालकको मृत्यु भएको छ ।
निर्माणाधीन तमोर करिडोर सडकको कुम्मायक गाउँपालिका–४ वन थाकमा ट्र्याक खोल्दै गरेको ना १ क ८३२१ नम्बरको स्काभेटर आज चिप्लिएर दुर्घटना भएको हो । भीरमा ट्र्याक खोल्दै गरेको स्काभेटर चिप्लिएर करिब ५०० मिटर तल झरेर दुर्घटना भएको हो ।
दुर्घटनामा स्काभेटर चालक दोलखाको तामाकोशी गाउँपालिका–३ पुरानो गाउँका २८ वर्षीय पवन महतको मृत्यु भएको जिल्ला प्रहरी कार्यालय पाँचथरले जनाएको छ । उक्त दुर्घटनामा चालकको टाउको र शरीर फरक फरक स्थानमा फेला परेको प्रहरीले जनाएको छ ।
तारे भीरबाट झरेको स्काभेटर तीन टुक्रा भएको छ । चालकलाई स्काभेटरको धारिलो भागले काटेको हुनसक्ने प्रहरीले अनुमान गरेको छ । सामुदायिक वन क्षेत्र भएकाले यहाँ सडक विस्तारको कार्य लामो समयदेखि अवरुद्ध थियो ।
हालैमात्र यहाँ सडकको ट्र्याक खोल्ने काम शुरु भएको थियो ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
पछिल्लो २४ घण्टामा कोरोना संक्रमणबाट थप १८ जनाको मृत्यु
२०७७ कार्तिक २४ गते सोमवार
आज पनि घट्यो सुनको मूल्य, चाँदीको मूल्य भने बढ्यो
२०७८ मङ्सिर ९ गते बिहिवार
ट्याक्टर दुर्घटनामा दुई जनाको मृत्यु, दुई घाइते
२०८० कार्तिक २२ गते बुधवार
विराटनगरका अमित मुम्बईमा प्रतिस्पर्धा गर्दै
२०७७ चैत्र १० गते मङ्गलवार