'
१३ चैत, विराटनगर । बलात्कार आरोप मुद्दामा जिल्ला अदालत सुनसरीबाट सफाई पाएका विवादास्पद धर्मगुरु सिद्धबाबा भनिने कृष्णबहादुर गिरीलाई उच्च अदालत विराटनगरले १५ दिन भित्र झिकाउने आदेश दिएको छ ।
शुक्रबार न्यायाधीस प्रेमराज ढकाल र रेणुका शाहको इजलासले सिद्धबाबालाई झिकाउने आदेश दिएको हो ।
गिरीलाई मंसिर २२ मा जिल्ला अदालत सुनसरीका न्यायाधीश अर्जुनप्रसाद कोइरालाको इजलासले सफाई दिएको थियो । जिल्ला अदालतको फैसला कानुनी हिसाबले विचारणीय देखिएको भन्दै उच्चले ‘झगडिया झिकाउने’ आदेश दिएको हो ।
‘दुई जना श्रीमानको इजलासबाट प्रतिवादीलाई १५ दिन भित्र झिकाउने आदेश भएको छ,’उच्च अदालत विराटनगरका सूचना अधिकारी ओम सुवेदीले भने, ‘अदालती भाषामा यसलाई झगडिया झिकाउने आदेश भनिन्छ ।’
जिल्ला अदालतले सफाई दिएपछि उच्च सरकारी वकिल कार्यालयले २७ फागुनमा उच्च अदालतमा पुनरावलोकन निवेदन दर्ता गराएको थियो । सिद्धबाबा हाजिर भएपछि बयान र प्रमाण बुझ्ने प्रकृया हुनेछ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
म्याग्दीमा मोटर चल्ने तीन पुल निर्माण शुरु
२०७७ पुष २२ गते बुधवार
दैलेखमा टिप्परसँग बस ठोक्किँदा एक जनाको मृत्यु, १४ जना घाइते
२०७७ कार्तिक ४ गते मङ्गलवार
सिन्धुपाल्चोकको इन्द्रावती गाउँपालिकाले प्राविधिक शिक्षा पढ्ने विद्यार्थीलाई छात्रवृत्ति दिने
२०७७ फाल्गुन ८ गते शनिवार
पुनःनिर्माणमा अल्झिएको गोरखा दरबार
२०७७ पुष १७ गते शुक्रवार