'
१३ चैत, काठमाडौं । विश्व बैंकले म्यानमारमा आर्थिक मन्दीको चेतावनी दिएको छ । शुक्रबार विश्व बैंकले म्यानमारको अर्थतन्त्रको पूर्वानुमान गर्दै यो वर्ष यहाँको अर्थतन्त्रमा १० प्रतिशतले मन्दी लाग्ने प्रक्षेपण गरेको हो ।
गत फेब्रुअरी १ मा सेनाले ‘कू’ गरेपछि बढेको प्रदर्शन, मजदुर आन्दोलन, सैन्य कारबाही लगायतले आर्थिक गतिविधि ठप्प भएको छ । यसअघि यहाँको आर्थतन्त्र उकालो लाग्ने अनुमान गरिएको थियो ।
सैन्य ‘कू’लाई विफल तुल्याउन अमेरिका र बेलायतले सैन्य अधिकारीको लगानी रहेका कम्पनीमाथि प्रतिबन्ध लगाएको छ ।
सेनाले निर्वाचित सरकारलाई हटाएर सत्ता हातमा लिएपछि म्यानमारमा नियमित जसो प्रदर्शन हुँदै आएको छ । प्रदर्शनकारीमाथि सेनाले हिंसात्मक रुपमा दमन गर्दा हालसम्म ३२० प्रदर्शनकारीको मृत्यु भएको अन्तर्राष्ट्रिय सञ्चारमाध्यमले जनाएका छन् ।
लामो समयदेखि म्यानमारको अर्थव्यवस्था सेनाको नियन्त्रणमा छ । सेनाले होल्डिङ फर्म र सहायक कम्पनीमार्फत यहाँको मदिरा, चुरोट, टेलिकम, टायर, खनिज र रियल स्टेटमा ठूलो लगानी गरेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोभिड–१९ का कारण ९ महिना बन्द रहेको होटल समिट पुनः सञ्चालनमा
२०७७ मङ्सिर ३० गते मङ्गलवार
प्रचण्ड–नेपाल सडक संघर्षमा, ओली पक्ष प्रतिकारमा
२०७७ पुष १० गते शुक्रवार
काठमाडौं उपत्यकामा एकै दिन थपिए ३४८ जना कोरोना संक्रमित
२०७८ बैशाख ३ गते शुक्रवार
मनी चेञ्जर विनियमावली व्यवसायीमैत्री नभएको गुनासो
२०७७ माघ १८ गते आइतवार