'
१७ चैत, काठमाडौं । डिजिटल भुक्तानीमा नेपालको पहिलो र अग्रणी भुक्तानी सेवा प्रदायक इसेवा र विभिन्न क्षेत्रका सफ्टवेयर निर्माणमा विगत १७ वर्षदेखि क्रियाशिल कम्पनी इन्फोडेभलपर्स बीच सहकार्यको सम्झौता भएको छ ।
सहकारी तथा माइक्रो फाइनान्सलाई पनि डिजिटल भुक्तानीमा जोड्ने उद्देश्यले एक कार्यक्रमका बीच सम्झौता भएको हो । सम्झौता पत्रमा इसेवाका तर्फबाट प्रमुख कार्यकारी अधिकृत सुभास सापकोटा र इन्फोडेभलपर्सका तर्फबाट प्रमुख कार्यकारी अधिकृत उमेश रघुवंशीले हस्ताक्षर गरे ।
कार्यक्रममा बोल्दै इसेवाका प्रमुख कार्यकारी अधिकृत सुभास सापकोटाले भने‘ अहिले पनि ९० प्रतिशत भन्दा धेरै रकम क्यासमा कारोबार भइरहेको छ । यसलाई डिजिटल बनाउन सहकारी र माइक्रो फाइनान्सको भूमिका ठुलो रहेको छ । यो सहकार्यले डिजिटल इकोनोमी बनाउने अभियानमा ठुलो सहयोग पुग्नेछ भन्ने विश्वास लिएका छौँ ।’
यस्तै इन्फोडेभलपर्सका प्रमुख कार्यकारी अधिकृत उमेश रघुवंशीले इसेवासँगको सहकार्यले सहकारी र माइक्रो फाइनान्सलाई डिजिटल भुक्तानीमा जोड्दा सदस्यहरुलाई सहज हुनुका साथै सहकारी र माइक्रोफाइनान्सको निक्षेप पनि बढ्ने बताए । साथै यसले समग्र अर्थतन्त्रलाई पनि चलायमान बनाउने उनले बताए ।
सम्झौतासँगै इन्फोडेभलपर्सले निर्माण गरेका सफ्टवेयर प्रयोग गरेका सहकारी तथा माइक्रोफाइनान्स डिजिटल भुक्तानीमा जोडिने छन् । उनीहरुले कोर बैंकिङ्ग सिस्टमबाटै डिजिटल भुक्तानीको सुविधा दिन सक्नेछन् ।
जसबाट सहकारी तथा माइक्रोफाइनान्सका सदस्यले युटिलिटी बिल भुक्तानी, रेमिट्यान्स भुक्तानी, एक सहकारी खाताबाट अर्को सहकारी खातामा रकम ट्रान्सफर, बैंकमा रकम ट्रान्सफर तथा क्यूआर स्क्यान गर्ने सुविधा पाउनेछन् । यो सम्झौतासँगै सहकारी तथा माइक्रोफाइनान्सका सदस्यले पनि बैंकका ग्राहकले जस्तै सबै सुविधा उपयोग गर्न पाउनेछन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भारतीय सेनाध्यक्ष नरवणेलाई मानार्थ महारथी पदवी प्रदान (फोटो फिचर)
२०७७ कार्तिक २० गते बिहिवार
कर्णाली स्वास्थ्य विज्ञान प्रतिष्ठानमा नाक, कान र घाँटीको विशेषज्ञ सेवा शुरु
२०७७ कार्तिक २८ गते शुक्रवार
कस्तो रहला आज दिनभरको मौसम ?
२०७७ भाद्र २८ गते आइतवार
एन्फाद्वारा आर्मी फुटबल क्लबलाई लाइसेन्स हस्तान्तरण
२०७७ पुष १५ गते बुधवार