'
१७ चैत, काठमाडौं । प्रतिनिधिसभाको बैठक भोलि दिउँसो १ बजे बस्ने भएको छ । मंगलबार संसद् सचिवालयले सार्वजनिक गरेको सम्भावित कार्यसूचीअनुसार भोलिको बैठकमा केही वार्षिक प्रतिवेदन पेस र शोक प्रस्ताव पेस गर्ने तयारी छ ।
राष्ट्रिय प्राकृतिक स्रोत तथा वित्त आयोग र राष्ट्रिय समावेशी आयोगको वार्षिक प्रतिवेदन पेस गर्ने कार्यसूची छ । बैठकमा विकास तथा प्रविधि समिति सभापति कल्याणीकुमारी खड्काले नेपाल इन्जिनियरिङ परिषद् (पहिलो संशोधन) विधेयकसम्बन्धी प्रतिवेदन पेस गर्ने सम्भावित कार्यसूची छ । त्यस्तै, पूर्वसांसद एवं नेपाली कांग्रेसका नेता नवीन्द्रराज जोशी र पहिलो संविधानसभाका सदस्य लक्ष्मीदेवी भण्डारीको निधनमा शोक प्रस्ताव प्रस्तुत हुने सम्भावित कार्यसूची छ ।
यस्तै प्रधानमन्त्री केपी शर्मा ओलीको तर्फबाट राष्ट्रिय प्राकृतिक स्रोत तथा वित्त आयोगको आर्थिक वर्ष २०७६/०७७ को वार्षिक प्रतिवेदन र राष्ट्रिय समावेशी आयोगको वार्षिक प्रतिवेदन पेश गर्ने कार्यसूची रहेको छ । साथै विकास तथा प्रविधि समितिकी सभापति कल्याणीकुमारी खड्काले आफ्नो समितिको वार्षिक प्रतिवेदन बुझाउने कार्यसूची तय गरिएको छ ।
सर्वोच्च अदालतले प्रतिनिधिसभा पुनःस्थापना गरेको १ महिना समय बितिसक्दा पनि सदनको कामकारवाही नियमित लयमा फर्कन सकेको छैन् । सरकारले सदनलाई काम गर्नका लागि ‘बिजनेस’ नदिएका कारण सदनमा हुने नियमित गतिविधि सञ्चालन हुन सकेको छैन् भने विभिन्न विषयगत समितिबाट पारित भएका विधेयकहरु पास हुन सकेका छैनन् । प्रतिनिधि सभाको बैठक शोक प्रस्ताव पारित गर्न र विभिन्न संवैधानिक निकायका वार्षिक प्रतिवेदन पेश गर्नमै सिमित बन्दै आएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
१४ वर्षीया बालिकालाई जबरजस्ती करणी गरेको अभियोगमा एक युवक पक्राउ
२०८१ पुष ११ गते बिहिवार
गाँजाखेतीबाट आर्थिक समुन्नति र मानव जीवनको रक्षा हुन्छ, प्रतिबन्ध हट्नुपर्छ : उपसभापति निधि
२०७७ मङ्सिर २३ गते मङ्गलवार
कोरोना संक्रमणबाट थप एक जनाको मृत्यु, मृतकको संख्या २०३० पुग्यो
२०७७ माघ २० गते मङ्गलवार
निगमले आफ्नै बोटलिङ प्लान्ट निर्माण गर्ने
२०७८ जेष्ठ २४ गते सोमवार