
१९ चैत, बाग्लुङ । माछा मार्ने प्रयोजनका लागि बम बनाउँदै गर्दा दुई जना घाइते भएका छन् । बागलुङको बडिगाड गाउँपालिका–२ सिमलचौरका वर्ष ३१ का मित्रबहादुर राना र हाडिखोलाका वर्ष २८ का अरुण पुन घाइते भएका हुन् ।
उनीहरुको उपचारको लागि पाल्पा पठाइएको जिल्ला प्रहरी कार्यालय बागलुङका प्रमुख प्रहरी उपरीक्षक कृष्णबहादुर पल्ली मगरले जानकारी दिए । स्थानीय दुर्गाबहादुर भुजेलको घरमा बम बनाइरहेको समयमा बम पड्किएको थियो ।
घटनाबारे थप अनुसन्धान भैरहेको प्रहरीले जनाएको छ । घटनास्थलबाट बम बनाउन प्रयोग गरिएको डेटोनेटर, सुतली तथा सलाइ लगाएतका सामग्री प्रहरीले बरामद गरेको छ ।
प्रतिक्रिया दिनुहोस