'
२० चैत, रुपन्देही । रुपन्देहीको भैरहवामा प्रदेशस्तरीय यु–१६ क्रिकेट प्रतियोगिता हुने भएको छ । बलियो नेपालको आयोजनामा सिद्धार्थ रंगशालामा शनिबारबाट प्रतियोगिता हुने आयोजकले शुक्रबार भैरहवामा पत्रकार सम्मेलन गरी जानकारी गराएका हुन् ।
पोषण र खेलकुदलाई सँगसँगै लैजाने उद्देश्यले पहिलोपल्ट लुम्बिनी प्रदेशस्तरीय यु–१६ टी–२० क्रिकेट प्रतियोगिता आयोजना गरिएको बलियो नेपालका कार्यकारी प्रमुख अतुल उपाध्यायले जानकारी दिए ।
उनले भने– ‘पोषणसँगै खेलकुदलाई अगाडि बढाउने उद्देश्यका साथ क्रिकेट खेललाई बलियो बनाउन चाहन्छौं, यसबाट तल्लो तहबाटै राम्रा खेलाडीहरु उत्पादन होउन् भनेर प्रतियोगिताको आयोजना गरेका हौं ।’
चैत्र २१ देखि २८ गते सम्म चल्ने प्रतियोगिताका लागि प्रदेशका विभिन्न विद्यालयबाट खेलाडीहरु छनौट गरिएको आयोजकले जनाएको छ । प्रदेशका प्रत्येक जिल्लाका १/१ टीम गरी १२ टिमले प्रतियोगितामा प्रतिस्पर्धा गर्दैछन् । प्रतियोगिताले सन् २०३९ मा हुने अन्डर–१६ विश्वकपका लागि प्रतियोगितामार्फत राम्रा खेलाडी उत्पादन हुने र सन २०३९ मा हुने अन्डर १६ विश्वकपका लागि सहयोग पुग्ने नेपाली राष्ट्रिय क्रिकेट टिमका पूर्व कप्तान पारस खड्काको भनाई छ ।
रुपन्देहीबाट मात्रै राष्ट्रिय क्रिकेट टिममा सहभागि भएर ९० बढी खेलाडीले योगदान पुराएको बताइएको छ । राष्ट्रिय टिमका कप्तान ज्ञानेन्द्र मल्लले विभिन्न जिल्ला–जिल्लामा लुकेर बसेका खेलाडीहरूको प्रतिभा बाहिर ल्याउन यस किसिमका प्रतियोगिताले थप सहयोग पुग्ने राष्ट्रिय टिमका कप्तान ज्ञानेन्द्र मल्लको भनाई छ ।
‘रुपन्देही राम्रा खेलाडी उत्पादन गर्ने जिल्ला हो, यस क्षेत्रमा हुने तल्लो तहका खेलले राष्ट्रिय टीमलाई भविष्यमा थप मजबुत र बलियो बनाउँछ’ उनले भने । सन् २०३९ मा हुने यु–१६ विश्वकप खेल्नका लागि अहिले भइरहेका प्रतियोगिताले टिम तयार गर्न र विश्वकपमा छनोट हुने उनले विश्वास व्यक्त गरे । पत्रकार सम्मेलनमा पूर्व राष्ट्रिय क्रिकेटर खेलाडी शक्ति गौचन पनि सहभागी थिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
एनसेलद्वारा १९ देशको अन्तर्राष्ट्रिय कल शुल्कमा परिमार्जन
२०७८ जेष्ठ २५ गते मङ्गलवार
सोमबार पनि सेयर बजारमा नयाँ रेकर्ड, झण्डै १ दर्जन कम्पनीको मूल्य १० प्रतिशतले बढ्यो
२०७८ जेष्ठ ३ गते सोमवार
प्याराग्लाइडिङ दुर्घटनामा सैनिक जवानको मृत्यु
२०७७ चैत्र ३ गते मङ्गलवार
एकै परिवारका आठ जना कोरोना संक्रमित, आमापछि छोराको मृत्यु
२०७८ बैशाख १९ गते आइतवार