मुख्य समाचार

जापानकी ९० वर्षीया यासुको बनिन् संसारकी सबैभन्दा उमेरदार अफिस म्यानेजर, लेखाइन् गिनिज बुकमा नाम !

yasuko

३१ चैत, काठमाडौं । गिनिज बुक अफ वर्ल्ड रेकर्डले यासुको तमाकीलाई सबैभन्दा उमेरदार अफिस म्यानेजरको सर्टिफिकेट दिएको छ । उनको जन्म सन् १९३० मे १५ तारिखमा भएको थियो । उनी एक ट्रेडिङ कम्पनी सनको इन्डस्ट्रिजमा सन् १९५६ देखि काम गरिरहेकी छिन् । अफिसका अन्य कर्मचारी झैं उनी हप्तामा पाँच दिन काम गर्छिन् । उनी बिहान ७ बजेदेखि बेलुकी ५ बजेको शिफ्टमा काम गर्छिन् ।

यासुकोलाई ९० वर्षको उमेरमा पनि आफ्नो कामलाई कसरी व्यवस्थित बनाउनुहुन्छ भन्नेबारे प्रश्न सोध्दा उनी भन्छिन्, ‘म सधैं सोच्छु कि मेरो जन्म अरुलाई मद्दत गर्नका लागि भएको हो । त्यसैले म आफ्नो अफिसमा पनि अध्यक्ष, व्यवस्थापक र कर्मचारीलाई  खुसी राख्ने प्रयास गर्छु । यो मेरो जीवनको सधैंको उद्देश्य हो ।’

यासुको तमाकी सनको इन्डष्ट्रिको स्थापनाको ८ वर्षपछि उक्त संस्थामा आबद्ध भएकी थिइन् । त्यतिबेलादेखि अहिलेसम्म उनी यो कार्यालयमा आफ्नो सेवा दिइरहेकी छिन् । उनले अफिसको अकाउन्ट हेर्छिन् । यासुको आफूसँग काम गर्नेहरुलाई आफ्नो समय बर्बाद नगर्न सुझाव दिइरहेको भेटिन्छिन् । उनी समयको सही उपयोग गर्नु सबैका लागि आवश्यक भएको र भोलि कहिले पनि नआउने  बताउने गर्छिन् । आफ्नो कामका लागि संसारभरी नाम कमाउने यासुको अवकाशमा विश्वास गर्दिनन् ।

उनी भन्छिन्, ‘एउटा वर्ष गएपछि अर्को आउँछ । म हरेक वर्ष आफ्नो जीवनलाई यसै गरी काम गरेर बिताउन चाहन्छु ।’

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *