'
३१ चैत, काठमाडौं । महान्यायधिवक्ताको कार्यालयले चेक अनादर सम्बन्धी बैंकिङ्ग कसुर मुद्दामा प्रतिवादीले पीडितलाई बिगो बुझाइसकेको अवस्थामा मुद्दा नचलाउने र पुनरावेदन नगर्ने निर्णय गरेको छ । महान्यायधिवक्ताको कार्यालयको चैत २६ गते बसेको व्यवस्थापन समितिको बैठकले सो निर्णय गरेको हो ।
पछिल्लो समय काठमाडौं उपत्यका लगायतका मुख्य शहरमा चेक बाउन्स सम्बन्धी उजुरी अत्यधिक बढेको छ । ‘बैंकिङ कसुर तथा सजाय ऐन, ०६४ को दफा ३ को खण्ड (ग) अनुसार पीडित र प्रतिवादीले मिलापत्र गराई पाउँ भनी निवेदन दिएमा मिलापत्र गराउने’ महान्यायाधिवक्ताको कार्यालयले गरेको निर्णयमा भनिएको छ ।
पीडित र प्रतिवादीले मिल्न चाहेमा सरकारी वकिल कार्यालयमा निवेदन दिएपछि मिलापत्र गराइने महान्यायाधिवक्ताको कार्यालयले जनाएको छ । सरकारी वकिललाई मिलापत्रको अधिकार दिएपनि प्रहरीलाई चाहिँ सो अधिकार हुँदैन । प्रहरीको १० नम्बर डायरीमा मुद्दा दर्ता भएपनि अदालतमा मुद्दा लानुअघि चेक दिने व्यक्तिले पीडितलाई पैसा दिएमा मुद्दा नचलाउने निर्णय गरिएको छ ।
अदालतमा मुद्दा दायर भएपछि आरोपीले पैसा दिएमा चाहिँ त्यस्तो फैसला उपर पुनरावलोकन नगर्न महान्यायाधिवक्ताको कार्यालयले सवै सरकारी वकिललाई निर्देशन दिएको छ । सर्वसाधारणको ठगी, सम्पति नोक्सानी वा वैदेशिक रोजगार मुद्दामा प्रतिवादी र पीडितले दिएको मिलापत्रको निवेदन उपर महान्यायाधिवक्ताले मिलापत्र गर्न आदेश दिन सक्ने कानुनी ब्यवस्था छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कोभिड सङ्क्रमित शिक्षाकर्मीलाई प्याब्सनद्वारा आर्थिक सहयोग
२०७८ जेष्ठ १९ गते बुधवार
भिरबाट लडेर घाइते भएकी बालिकाको हेलिकप्टरमार्फत उद्धार
२०७८ असार ६ गते आइतवार
एसइईको नतिजा प्रकाशन नहुँदै भर्ना नलिन आग्रह
२०७८ साउन ४ गते सोमवार
शुभारम्भ द्वारा कृषकलाई अनुदानमा कृषि यन्त्र वितरण
२०८० चैत्र २५ गते आइतवार