'
१ बैशाख, काठमाडौं । भारतमा कोरोनाभाइरस संक्रमणको आँकडा तीब्र रुपमा बढिरहेको छ । भारतमा पछिल्लो २४ घण्टामा पहिलो पटक १ लाख ८५ हजार १०४ नयाँ संक्रमित भेटिए । यसका साथै, यो अवधिमा ८२,२३१ जना निको भए भने १०२६ को मृत्यु भएको छ ।
यसअघि ११ अप्रिलमा सर्वाधिक १.६९ लाख नयाँ बिरामी भेटिएका थिए । १२ अप्रिलमा पनि पोजेटिभ बिरामीको आँकडा १.६० लाख पार भएको थियो । यो आँकडालाई हेर्ने हो भने पछिल्लो तीन दिनमा मात्रै भारतमा नयाँ बिरामीको संख्या करिब ५ लाखको आँकडा पार भएको छ ।
भारतीय सञ्चार माध्यमका अनुसार उत्तर प्रदेशमा मुख्यमन्त्री कार्यालयका थुप्रै अधिकारी र कर्मचारी कोरोना पोजेटिभ भेटिएका छन् । त्यसपछि मुख्यमन्त्री योगी आदित्यनाथले आफूलाई आइसोलेट गरेका छन् ।
भारतको स्वास्थ्य मन्त्रालयका अनुसार देशव्यापी खोप उत्सवको तेस्रो दिन मंगलबार करिब ४० लाख मानिसहरुलाई भ्याक्सिनको डोज दिइयो । यसरी हालसम्म कूल ११.४३ करोडभन्दा बढीलाई भ्याक्सिन दिइसकिएको छ । यसअघि सोमबार ३७ लाख ६३ हजार ८५८ मानिसहरुलाई खोप दिइएको थियो ।
भारतको राजधानी दिल्लीमा कोरोनाको बढ्दो संक्रमणलाई मध्यनजर गर्दै दिल्लीका मुख्यमन्त्री अरविन्द केजरीवालले केन्द्र सरकारसँग सीबीएसईको १० र १२ को परीक्षा रद्द गर्नुपर्ने माग गरेका छन् । उनले देशभरी संक्रमण तीब्र रुपमा बढिरहेका कारण परीक्षा गर्नु अत्यधिक खतरा हुने बताएका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
डिम्याट खोल्नेको सङ्ख्या ३३ लाख नजिक
२०७७ चैत्र ३ गते मङ्गलवार
टाटा बीएस ६ कारहरूको लागि टाटा केयर क्याम्प
२०७८ भाद्र ६ गते आइतवार
माधव नेपाल र भीम रावलको स्पष्टीकरण कारबाही योग्य छ : अध्यक्ष ओली
२०७७ चैत्र १३ गते शुक्रवार
सिटिजन्स बैंकको शाखा रहित बैंकिङ्ग सेवा उदयपुरकोे लालपत्तामा
२०७८ बैशाख ३ गते शुक्रवार