'
१ बैशाख, काठमाडौं । सात प्रदेशका विभिन्न ५० स्थानमा विद्युतीय सवारी साधनको चार्जिङ स्टेसनको आपूर्ति, जडान, परीक्षण, सञ्चालन र मर्मतसम्भारका लागि ठेक्का सम्झौता भएको छ ।
नेपाल विद्युत प्राधिकरणको विद्युतीय सवारी चार्जिङ पूर्वाधार विकास आयोजना र अन्तर्राष्ट्रिय टेण्डरबाट छनोट भएको वाङवाङ डिजिटल इनर्जी कर्पोरेसन लिमिटेड, जियाङ्सु, चीन (वाङबाङ डिजिटल इनर्जीबीच मंगलबार संझौता भएको हो ।
३७ करोड ७९ लाख ५५ हजार रुपैयाँमा (करबाहेक) ठेक्का सम्झौता भएको प्राधिकरणले जनाएको छ । एसियाली विकास बैकको सहयोगमा निर्माण गर्न लागिएको चार्जिङ स्टेसन एक वर्षभित्रमा सक्ने गरी ठेक्का सम्झौता गरिएको छ ।
चार्जिङ स्टेसनमा छिटो चार्ज गर्न मिल्ने ६०/६० किलोवाटका डीसी र २२ किलोवाटका एसी चार्जरहरु राखिनेछन् । यसबाट ठूला बससहित तीनवटा सवारी–साधनले एकसाथ चार्ज गर्न सकिनेछ । ३०० भन्दा बढी चार्जरलाई सेवा दिन सक्ने गरी प्राधिकरणको डाटा सेन्टरमा चार्जिङ स्टेसनको सफ्टवेयर राखिने प्राधिकरणले जनाएको छ । ५० वटै स्टेसनको कन्ट्रोल काठमाडौंबाट हुनेछ ।
सवारी–साधनको चार्ज गरिसकेपछि ग्राहकले क्यूआर कोड र मोबाइल एपमार्फत बिलको भुक्तानी गर्न सक्नेछन् । चार्जिङ स्टेसन मुख्य राजमार्ग, बसपार्क र ठूला सहरहरुमा राखिने प्राधिकरणले जनाएको छ । काठमाडौं उपत्यकामा सातवटा चार्जिङ स्टेसन राखिनेछ ।
यी स्थानमा हुनेछन् चार्जिङ स्टेसन
प्रदेश नम्बर–१ मा झापाको दमक, भद्रपुर र कन्काई, मोरङको विराटनगर र सुनसरीको इटहरीमा गरी पाँचवटा चार्जिङ स्टेसन रहनेछन् ।
प्रदेश नम्बर–२ मा पर्साको वीरगन्ज, बाराको सिमरा, रौतहटको चन्द्रनिगाहापुर, धनुषाको ढल्केबर र जनकपुरधाम, महोत्तरीको बर्दिबास र सप्तरीको राजविराज गरी सातवटा चार्जिङ स्टेसन स्थापना हुनेछन् ।
वाग्मती प्रदेशमा धादिङको मलेखुमा दुई, सिन्धुलीको बीपी राजमार्गमा दुई, मकवानपुरको हेटौँडामा दुई, चितवनको भरतपुरमा दुई तथा मुग्लिन/कुरिनटारमा चार र काभ्रेको बनेपामा एक गरी १३ वटा चार्जिङ स्टेसन स्थापना हुनेछन् ।
गण्डकी प्रदेशमा नवलपुर, तनहुँ, स्याङ्जामा एक/एक र कास्कीको पोखरामा तीन गरी ६ वटा चार्जिङ स्टेसन राखिनेछ ।
लुम्बिनी प्रदेशमा आठवटा चार्जिङ स्टेसनहरु रहनेछन् । बाँकेको नेपालगन्जमा एक, दाङको भालुवाङ तथा दाङमा एक/एक, रुपन्देहीको बुटवलमा एक, नवलपरासीको बर्दघाट/सुनवलमा दुई गरी ८ वटा चार्जिङ स्टेसन रहनेछन् ।
यस्तै, कर्णाली प्रदेशमा सुर्खेतमा एक र सुदूरपश्चिम प्रदेशमा तीनवटा चार्जिङ स्टेसन रहनेछन् । कञ्चनपुरको महेन्द्रनगर, कैलालीको धनगढी र डडेल्धुरामा एक/एक गरी सुदूरपश्चिममा तीनवटा चार्जिङ स्टेसन रहने प्राधिकरणले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
देशभर १ लाख भूमिहीनलाई जग्गाधनी लालपूर्जा दिने तयारी
२०७७ पुष १६ गते बिहिवार
खाना पकाउने ग्याँस चुहिएर आगलागी, तीन जना घाइते
२०७८ जेष्ठ २५ गते मङ्गलवार
नेताहरुलाई जीतुको प्रश्न– ‘अहिले नहेर्नेलाई भोलि जनताले जिताउलान् ?’
२०७८ बैशाख ३० गते बिहिवार
‘केजीएफ च्याप्टर २’ को रिलिज मिति घोषणा
२०७८ भाद्र ८ गते मङ्गलवार