
१ बैशाख, गुल्मी । जिल्ला प्रशासन कार्यालय गुल्मीका कर्मचारी बोकेर स्वर्गद्वारी दर्शनमा गइरहेको गाडी प्युठानमा दुर्घटना भएको छ । लु१ज १६५५ नम्बरकाे जिप बुधबार बिहान दुर्घटनामा परेकाे हाे ।
दुर्घटनामा तीन जनाको ज्यान गएको छ भने १२ जना घाइते भएका छन् । दुर्घटनामा सूर्य पन्थी, ईश्वरी भण्डारी र अर्का एक कर्मचारीको मृत्यु भएको घटनास्थलमा रहेका प्रहरी नायब निरीक्षक बुद्धिप्रसाद रानाले जानकारी दिए ।
एक जनाको उपचारका क्रममा र दुई जनाको घटनास्थलमै मृत्यु भएको हो ।
घाइतेमध्ये एक जना गाडीमै च्यापिएको र उनलाई निकाल्ने प्रयास भइरहेको रानाले बताए । स्वर्गद्वारी नगरपालिका ३ रूमालेस्थित कच्ची सडकमा ओभरटेक गर्ने क्रममा गाडी सडकबाट तल खसेको रानाले बताए ।
प्रतिक्रिया दिनुहोस