कर्णाली प्रदेश

कर्णालीमा मुख्यमन्त्री शाहीलाई विश्वासको मत दिन माओवादीको अपिल

sita nepal

२ वैशाख, सुर्खेत । नेकपा माओवादी केन्द्र कर्णाली प्रदेश संसदीय दलले मुख्यमन्त्री महेन्द्रबहादुर शाहीलाई विश्वासको मत दिन अपिल गरेको छ । बिहीबार विज्ञप्ति जारी गर्दै दलकी प्रमुख सचेतक सीता नेपालीले मुख्यमन्त्री शाहीकाे विश्वासको मतको प्रस्तावका पक्षमा मतदान गर्न सबै राजनीतिक दललाई अपिल गरेकी हुन् ।

नेकपा माओवादी केन्द्र कर्णाली प्रदेशका प्रमुख सचेतक सीता कुमारी नेपालीले बिहीबार एक अपिल जारी गर्दै आफ्नो दलले प्रदेश सभाबाट विश्वासको मत लिने निर्णय गरेको जानकारी समेत गराएकी छन् । कर्णाली प्रदेश सभाको बैठक बैशाख ३ गते बस्दैछ ।

‘कर्णाली प्रदेश सभाको सातौं अधिवेशनको पहिलो बैठकमा प्रस्तुत हुने माननीय मुख्यमन्त्रीज्युको विश्वासको मतको प्रस्तावको पक्षमा मतदान गर्नुहुन कर्णाली प्रदेश सभामा प्रतिनिधित्व गर्नुहुने सवै राजनीतिक दल र सम्वद्ध माननीय सदस्यज्युहरुमा हार्दिक अपिल गर्दछु’ नेपालीले जारी गरेको अपीलमा भनिएको छ ।

नेपालीले एमालेले चालेको कदमले कर्णालीको विकास र समृद्धिको जन अपेक्षामा कुठाराघात हुने समेत दाबी गरेकी छन् । संसदमा व्यक्त सार्वजनिक प्रतिबद्धता विपरित केही व्यक्तिको सत्ता स्वार्थका कारण सरकारको साझेदार दल नेकपा एमालेद्वारा हाम्रो दल नेतृत्वको प्रदेश सरकारलाई दिएको समर्थन फिर्ता लिइएको छ’ उनले भनेकी छन्, ‘जुन कदमले जन अपेक्षामा कुठाराघात हुने निश्चित छ ।’

अपिलमा भनिएको छ, ‘सबै क्षेत्रले पछि परेको कर्णालीको विकास र समृद्धिको पक्षमा प्रदेश सभामा प्रतिनिधित्व गर्ने सबै सांसदहरु एकताबद्ध रही आएको तथ्य स्पष्ट  छ । विकास र समृद्धिको कुरामा कोही पनि पक्ष विपक्षमा विभाजित नहुने प्रतिवद्धता प्रदेशसभामा प्रतिनिधित्व गर्ने सबै राजनीतिक दल र सम्बद्ध सबै सांसदले पटक–पटक गर्दै आएका र्छाैँ ।’

साथै उनले प्रदेश सरकार सुरुवात देखिनै कर्णालीवासीको भावना बमोजिम तीव्र विकास  र आर्थिक समृद्धि हासिल गर्ने उद्देश्यमा इमान्दारीताका साथ लागिरहेको कुरा जानकारी गराएकी छन् ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *