'
६ बैशाख, काठमाडौं । रुकुमबाट ७ जना ‘नक्कली डाक्टर’लाई प्रहरीले पक्राउ गरेको छ । पश्चिम रुकुम लगायतका ठाउँबाट ७ जना नक्कली डाक्टरलाई पक्राउ गरिएको केन्द्रीय अनुसन्धान ब्यूरोका डीआईजी सहकुल थापाले जानकारी दिए ।
पक्राउ पर्नेमा रुकुम पश्चिमको चौरजहारी अस्पतालमा कार्यरत डा.दिपेन्द्र गौतम, सप्तरीका मोहम्मद सिद्धिकी (न्यू हस्पिटल विराटटनगरमा कार्यरत), महोत्तरीका सुवास प्रसाद साह (जनकपुर चिल्डेन अस्पतालमा कार्यरत), धनुषाका मोहम्मद साहिद राजा (दीर्घायु गुरु हस्पिटल चाबहिलमा कार्यरत) र सप्तरीका अखिलेश कुमार देव रहेका छन् । उनी विराटनगर महानगरपालिकाबाट पक्राउ परेका हुन् । अन्यको पहिचान खुल्न बाँकी छ ।
सीआईबीले यसअघि पनि ‘अपरेशन क्वाक’ सञ्चालन गरेर नक्कली चिकित्सकलाई नियन्त्रणमा लिएर कानुनी दायरामा ल्याएको थियो । मेडिकल काउन्सिलको परीक्षामा सहभागी हुन उनीहरुले नक्कली शैक्षिक योग्यताको प्रमाणपत्र पेश गर्ने गरेको ब्यूरोको प्रारम्भिक अनुसन्धानबाट थाहा भएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
यस्तो छ आजको विदेशी मुद्राको विनिमयदर
२०७७ भाद्र ११ गते बिहिवार
मेगा बैंकको १८ लाख कित्ता शेयर बिक्री खुल्ला
२०७७ असोज ४ गते आइतवार
कीर्ते कागजातमा ऋण दिने बैंकका कर्मचारीविरुद्ध मुद्दा दायर
२०७७ पुष १४ गते मङ्गलवार
सुनको मूल्य फेरि बढ्यो, हेर्नुहोस् कतिमा हुँदैछ कारोबार ?
२०७७ पुष २२ गते बुधवार