'
६ बैशाख, काठमाडौं । काठमाडौं महानगरपालिका–१६ स्थित बालाजुमा बन्चरोले हिर्काएर लुटपाट प्रयास गर्ने ३ जनालाई प्रहरीले पक्राउ गरेको छ । पक्राउ पर्नेमा गोरखा नाम्जुङ–३ घर भएका १८ वर्षीय सुनम परियार, ओखलढुङ्गा पतलेछेर्मादिङका १८ वर्षीय छिरिङ मोक्तान र मकवानपुर घर भएका सुरज तामाङ छन् ।
गत शुक्रबार राती ९ बजेतिर बालाजुचोकमा लुकेर बसेका ३ जना किशोरले रुकुमको मुसीकोटका १९ वर्षीय रमेश चनारालाई लुट्ने प्रयास गरेका थिए । बालाजु बस्दै आएका १९ वर्षीय रमेशलाई बन्चरोले हिर्काएर बेहोस बनाएको देख्नेहरुले प्रहरीलाई खबर गरेका थिए ।
प्रहरी घटनास्थलमा पुग्दा उनीहरु भागेका थिए । आरोपीहरुलाई गंगाहल नजिकैबाट पक्राउ गरिएको महानगरीय प्रहरी परिसर काठमाडौंका प्रवक्ता रमेश कुमार बस्नेतले जानकारी दिए ।
उनीहरुको साथबाट बन्चरो बरामद गरिएको छ । आरोपीहरुले बन्चरोले हिर्काएर लुट्ने प्रयास गरेको साविती बयान दिएका छन् । महानगरीय प्रहरी वृत बालाजुले उनिहरुलाई ज्यान मार्ने उद्योग गरेको कसुरमा मुद्दा दर्ता गरेर अनुसन्धान गरिरहेको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
काठमाडौं उपत्यकामा एकैदिन थपिए १,२८९ कोरोना संक्रमित
२०७८ साउन २० गते बुधवार
कोरोना भाइरसका कारण यस वर्ष पुष्प मेला नहुने
२०७७ कार्तिक २७ गते बिहिवार
तालबाराही मन्दिरमा भक्तजनले क्यू आर कोडमार्फत दान गर्न सक्ने
२०७७ फाल्गुन २२ गते शनिवार
बाढीपहिरोमा परी तीनजनाको मृत्यु, ११ बेपत्ता
२०७८ असार २ गते बुधवार