'
७ बैशाख, मुम्बई । इन्डियन प्रिमियर लिग (आइपिएल) अन्तर्गत सोमबार भएको खेलमा चेन्नई सुपरकिङ्ग्सले राजस्थान रोयल्समाथि ४५ रनको जित हासिल गर्दै महत्त्वपूर्ण दुई अंक जोडेको छ । जितसँगै चेन्नई अंक तालिकाको दोस्रो स्थानमा पुगेको छ । तीन खेलमा दोस्रो पराजय झेलेको राजस्थान भने छैटौं स्थानमा छ ।
१८९ रनको लक्ष्य पछ्याएको राजस्थान रोयल्सका लागि प्रारम्भिक ब्याट्सम्यान मनन बोहरा र जोस बटलरले औसत सुरुवात गरे पनि मध्यक्रमका ब्याट्सम्यान क्रिजमा धेरैबेर टिक्न सकेनन् । राजस्थानका लागि बटलरले सर्वाधिक ४९ रन बनाए भने जयदेव उनादकटले २४, राहुल तेवटियाले २०, शिवम दुवेले १७ र मनन बोहराले १४ रन बनाए ।
राजस्थानका ब्याट्सम्यानलाई सस्तोमै समेट्न चेन्नईका लागि मोइन अलीले ३ विकेट लिए भने रविन्द्र जडेजा र साम करनले दुई/दुई, शार्दुल ठाकुर र ड्वेन ब्राभोले एक/एक विकेट लिए ।
यसअघि टस हारेर पहिला ब्याटिङमा उत्रिएको चेन्नईले निर्धारित २० ओभरमा ९ विकेटको क्षतिमा १८८ रन बनाएको थियो । चेन्नईका लागि फाप डुप्लेसिसले सर्वाधिक ३३ रन बनाए । यस्तै अम्बाती रायडुले २७, मोइन अलीले २६, सुरेश रैनाले १८ रन बनाए ।
चेन्नईको कप्तानका रुपमा २०० औं म्याच खेलेका महेन्द्रसिंह धोनीले सोमबार उत्कृष्ट खेल प्रदर्शन गर्न सकेनन् । उनी १८ रन बनाएर बाहिरिए । राजस्थानका लागि चेतन सकरियाले ३ विकेट लिए भने क्रिस मोरिसले २, मुस्तफिजुर रहमान र राहुल तेबटियाले एक/एक विकेट लिए ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
हुम्लामा सेवाग्राहीले बैंक खाता नखोल्दा भत्ता वितरणमा समस्या
२०७७ पुष २७ गते सोमवार
कस्तो रहला बुधबार दिनभरको मौसम ?
२०७८ जेष्ठ १९ गते बुधवार
प्रधानमन्त्री ओलीद्वारा लुम्बिनी केबुल कार निर्माणको शिलान्यास
२०७७ फाल्गुन १ गते शनिवार
नवनियुक्त निर्वाचन आयुक्त जबराले लिए शपथ
२०७८ असार १० गते बिहिवार