जापान, अस्ट्रेलियालगायत पाँच देशका लागि ‘नो अब्जेक्सन लेटर’ जारी गर्ने काम स्थगित

शिक्षा, विज्ञान तथा प्रविधि मन्त्रालयले पाँच राष्ट्रका लागि स्वीकृति पत्र जारी गर्ने काम तत्कालका लागि बन्द गरेको हो । बुधबार एक विज्ञप्ति जारी गर्दै जापान, अस्ट्रेलिया, दक्षिण कोरिया, बंगलादेश र चीनमा लागि स्वीकृति पत्र दिने कार्य स्थागित गरेको जनाएको हो ।

कोरोना भाइरसको नयाँ प्रकार (भेरियन्ट) विश्वभरनै फैलिरहेको हुँदा गत सोमबार बसेको मन्त्रिपरिषद्को बैठकले गरेको निर्णय अनुसार बिहीबारदेखि अर्को सूचना जारी नभएसम्म स्वीकृतिपत्र नदिइने जनाएको हो ।