मुख्य समाचार

विमानभित्र यात्रुको खुट्टामा तातो चिया पोखिएपछि १ करोड क्षतिपूर्ति !

articlelarge Istanbul

९ बैशाख, काठमाडौं । सामान्य दिनचर्याका क्रममा चियाका पारखीसँग अप्रिय घटना हुन्छ, शरीरमा चिया खस्छ । तर कहीँकतैबाट क्षतिपूर्ति पाइँदैन । आयरल्यान्डमा भएको एउटा घटनामा यात्रुको खुट्टा चिया पोखिएबापत विमान कम्पनीले झण्डै एक करोड क्षतिपूर्ति तिर्नुपर्ने भएको छ ।

विमानमा यात्रा गर्ने क्रममा एक बालकको खुट्टामा तातो चिया खसेपछि उनकी आमाले अदालतमा मुद्दा दायर गरेकी थिइन् । मुद्दाको फैसला सुनाउँदै अदालतले क्षतिपूर्ति दिनुपर्ने फैसला सुनाएको छ ।

आयरल्यान्डका एमरे कराक्याले टर्किस एयरको विमानमा यात्रा गर्दा खुट्टामा तातो चिया पोखिएको थियो । चिया पोखिएको दायाँ खुट्टामा दाग समेत बसेको ती बालकको दाबी छ । ४ वर्षअघि एमरे १३ वर्षीय हुँदा भएको घटनापछि अदालतमा मुद्दा चलेको थियो । घटनाबारे ती बालककी आमालाई थाहा भएपछि अदालतमा मुद्दा गरेकी थिइन् ।

मुद्दामा आमाले बालकको मासिक र शारीरिक स्वास्थ्यमा गम्भीर असर गरेको दाबी गरेकी छन् । एमरेको खुट्टाको उपचार गर्न ३–४ हप्ता अस्पतालमा बस्नुपरेको र दाग हटाउन शल्यक्रिया नै गर्नुपर्ने चिकित्सकको राय रहेको दाबी अदालतमा गरिएको थियो ।

अदालतले फैसला सुनाउँदै एमरेलाई ५६ हजार पाउण्ड (झण्डै एक करोड नेपाली रुपैयाँ ) क्षतिपूर्ति दिन आदेश दिएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *