स्वास्थ्य

नोबेलमा सुरू भयो बाँझोपनको उपचार र कृत्रिम गर्भाधान सेवा

IVF Udghatan

९ बैशाख, काठमाडौं । विराटनगरस्थित नोबेल शिक्षण अस्पतालले बाँझोपनको उपचार र कृत्रिम गर्भाधान सेवा सुरू गरेको छ । निःसन्तान दम्पतीलाई उपचार गरी सन्तान हुँने बनाउन र कृत्रिम गर्भाधान गरी बच्चा जन्माउन आइभिएफ सेन्टर सञ्चालन गरिएको हो ।

नेपालकै सबैभन्दा ठूलो आइभीएफ तालिम केन्द्रसहितको आइभीएफ सेन्टरको वुधवार एक कार्यक्रमका बीच उद्घाटन गरिएको छ । नोबेल अस्पताल सञ्चालक डा.सुनिल शर्माकी आमा होमादेवी न्यौपानेले रिवन काटेर आइभीएफ सेन्टरको उद्घाटन गरिन् । कार्यक्रममा नोबेल अस्पतालका प्रवन्ध निर्देशक इन्दिरा शर्माले सन्तान नजन्मिएर समस्या ब्यहोरिरहेका दम्पतीहरुलाई लक्षित गरेर आइभीएफ सेन्टर सञ्चालन गरिएको भन्दै सन्तान नहुँदा निराश भइरहेका दम्पतीहरूमा अब सन्तानको खुशी ल्याउँने काम गर्ने धारणा राखिन् ।

त्यस्तै, नोबेल मेडिकल कलेजका प्रिन्सिपल डा.रामहरी घिमिरेले नोबेलमा सञ्चालित यो सेवाबाट निःसन्तान दम्पतीहरू धेरै लाभान्वित हुँने दावी गरे । नोबेल अस्पतालका निर्देशक डा.राजेश नेपालले निःसन्तान दम्पतीका लागि आइभीएफ सेन्टरले ठूलो खुशी ल्याउने भन्दै नेपालकै ठूलो आइभीएफ तालिम केन्द्र पनि बनाइएकाले दक्ष जनशक्ति उत्पादनमा पनि सघाउ पुग्ने बताए ।

सो अवसरमा आइभीएफ सेन्टरका प्रमुख एवं बरिष्ठ स्त्रीरोग विशेषज्ञ डा.शान्ति सुवेदीले अब निःसन्तान दम्पतीले उपचारका लागि टाढा धाउनुपर्ने बाध्यता अन्त्य भएको भन्दै नोबेलले निःसन्तान सम्बन्धि सबै किसिमको उपचार गर्ने बताइन् ।

नोबेलले ३ करोड ९५ लाखको लागतमा आइभीएफ सेन्टर सञ्चालन गरेको हो । निःसन्तान दम्पतीका लागि जुनसुकै मुलुकमा हुँने जस्तोसुकै उपचार पनि अब नोबेलमा हुने बताइएको छ । आइभीएफ सेन्टर सञ्चालनसँगै आइभीएफ सम्बन्धि तालिमका लागि नेपालकै ठूलो तालिम केन्द्र पनि सञ्चालन गरिएको नोबेल अस्पतालले जनाएको छ ।

एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुकट्वीटरमार्फतपनि हामीसँग जोडिन सक्नुहुनेछ ।

प्रतिक्रिया दिनुहोस

Leave a Reply

Your email address will not be published. Required fields are marked *

प्रतिक्रिया दिनुहोस

Leave a Reply

Your email address will not be published. Required fields are marked *