'
१० बैशाख, काठमाडौं । काठमाडौंको सिनामंगलस्थित काठमाडौं मेडिकल कलेजले १५ सयमै पीसीआर परीक्षण गर्ने भएको छ । नेपालमा कोरोना संक्रमण पुनः बढ्न थालेसँगै परीक्षण गर्ने पनि बढेपछि केएमसीले शुक्रबारबाट पीसीआर परीक्षण शुल्क घटाएको हो ।
केएमसीका अध्यक्ष डा. सुनिल शर्माका अनुसार विश्वव्यापी महामारीको रुपमा फैलिएको कोरोना भाइरसको संक्रमण पुनः बढ्न थालेकाले संकटको अवस्थामा सर्वसाधरणलाई केही राहत पुर्याउन पीसीआर परीक्षण शुल्क घटाइएको हो ।
सरकारले अहिले पीसीआर परीक्षणको अधिकतम शुल्क दुई हजार तोकेको छ । सरकारले तोकेकोभन्दा पाँच सय रुपैयाँ कम शुल्कमै केएमसीले पीसीआर परीक्षण गर्न थालेको हो । यसअघि केएमसीले १ हजार ९ सय ९९ मा पीसीआर परीक्षण गर्दै आएको थियो । विश्वव्यापी महामारीको रुपमा फैलिएको कोरोना भाइरसको संक्रमण पुनः बढ्न थालेकाले संकटको अवस्थामा सर्वसाधरणलाई केही राहत पुर्याउन पीसीआर परीक्षण शुल्क घटाइएको केएमसीका अध्यक्ष डा. सुनिल शर्माले जानकारी दिए ।
पूर्वमा प्रतिष्ठित नोबेल शिक्षण अस्पतालका सञ्चालक डा.सुनिल शर्माले गत भदौ महिनाबाट केएमसी अध्यक्षको जिम्मेवारी सम्हालेका हुन् । पीसीआर परीक्षण गरेर छ घण्टामै रिपोर्ट दिइने केएमसीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
मकवानपुरको मानव सेवा आश्रममा बस्दै आएका दुई जनाको मृत्यु
२०८० पुष १२ गते बिहिवार
सडेको अवस्थामा मृत गैंडा भेटियो
२०७७ असोज २७ गते मङ्गलवार
विद्युतिय सुरक्षा दिवस २०८०को अवसरमा प्रभातफेरी
२०८० चैत्र २६ गते सोमवार
रहेनन् कांग्रेस नेता महतो
२०७८ भाद्र २७ गते आइतवार