'
१२ बैशाख, जनकपुर । धनुषामा तीब्रगतिका दुई मोटरसाइकल एक आपसमा ठोक्किँदा दुई युवकको मृत्यु भएको छ भने एकजना घाइते भएका छन् । दुर्घटनामा धनुषाको मिथिला नगरपालिका–८ कुसुमविसौना बस्ने २६ वर्षीय सुनिल शर्मा र २० वर्षीय भोला महतोको मृत्यु भएको हो ।
तीव्रगतिमा रहेको प्रदेश २–०२–००२ प ६०३६ र प्रदेश २–०२–००३ प २८७७ नम्बरको मोटरसाइकल एक आपसमा ठोक्किँदा दुर्घटना भएको इलाका प्रहरी कार्यालय ढल्केबरमा प्रहरी निरीक्षक प्रदिप सुवेदीले जानकारी दिए । दुर्घटनामा परि गम्भीर घाइते भएका दुबै युवकलाई उपचारका लागि जनकपुरधाम ल्याउने क्रममा एक जनाको बाटोमा र अर्का एकजनाको जानकी हेल्थ केयरमा मृत्यु भएको प्रहरी निरीक्षक सुवेदीले जानकारी दिए ।
दुर्घटनामा प्रदेश २–०२–००३ प २८७७ नम्बरको मोटरसाइकलको पछाडि बसेका २५ वर्षीय सन्तोष महतो भने गम्भीर घाइते भएका छन् । उनको लालगढस्थित मोडेल अस्पतालमा उपचार भइरहेको प्रहरीले जनाएको छ । मृतक दुवैको शव पोस्टमार्टमका लागि प्रादेशिक अस्पताल जनकपुरधाममा राखिएको धनुषा प्रहरीले जनाएको छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
कम्युनिस्ट पार्टीका संस्थापक गौतमको निधनमा प्रधानमन्त्री ओलीबाट दुःख व्यक्त
२०७७ मङ्सिर २४ गते बुधवार
मोटरसाइकलबाट खसेर युवकको मृत्यु
२०७८ असार ११ गते शुक्रवार
रियल मड्रिड पराजित : महत्वपूर्ण खेलाडी हजार्ड घाइते
२०७७ मङ्सिर १४ गते आइतवार
कोरोना संक्रमणबाट थप २ जनाको मृत्यु, मृतकको संख्या २ हजार ४७ पुग्यो
२०७७ माघ २७ गते मङ्गलवार