'
१३ बैशाख, काठमाडौं । शेयर बजार परिसूचक नेप्से सोमबार ६५.५८ अंकले घटेको छ । काठमाडौं उपत्यकामा निषेधाज्ञाको तयारीको चर्चासँगै लगानीकर्ताको मनोबल खस्किदाँ नेप्से परिसूचक २.५५ प्रतिशत घटेर २ हजार ५०६ विन्दूमा ओर्लिएको हो ।
यस दिन कारोबार रकम पनि घटेको छ । अघिल्लो दिन ७ अर्ब २८ करोड रुपैयाँको सेयर किनबेच भएकोमा सोमबार ६ अर्ब ५९ करोडको कारोबार भएको छ । सबै समूहहरु ओरालो लागेका छन् । बैंकिङ ४०, ब्यापार १२७, होटल तथा पर्यटन ७१, विकास बैंक ८८, जलविद्युत ९९, फाइनान्स २७, निर्जीवन बीमा ३८४, उत्पादन ९५, अन्य ५४, माइक्रोफाइनान्स ११२, लगानी २ र जीवन बीमा ३५९ अंकले घटे ।
यस दिन दुई कम्पनीको मूल्य १० प्रतिशतले बढेको छ । विशाल बजार कम्पनी र महिला लघुवित्तको मूल्य १० प्रतिशतले बढेको हो । आजको कारोबारपछि विशालबजारको मूल्य प्रतिकित्ता ३८३२ रुपैयाँ कायम भएको छ भने महिला लघुवित्तको मूल्य २३४९ रुपैयाँ पुगेको छ ।
निषेधाज्ञामा बजार बन्द नहुने
यस पटक निषेधाज्ञा भएपनि सेयर बजार बन्द नगर्ने पक्षमा नेपाल धितोपत्र बोर्ड रहेको छ । बोर्डका अध्यक्ष भीष्म ढुंगानाका अनुसार निषेधाज्ञामा सेयर बजार बन्द हुनेछैन ।
‘पहिला ब्रोकर, सिडिएससी र नेप्सेमा जानुपर्थ्यो । आफै नगइ केही काम हुँदैनथ्यो । तर अहिले काहिँपनि जानु पर्दैन ।’ प्रविधिको विकास सँगै अनलाइन कारोबार गर्न सकिने भएकोले बजार बन्द नहुने ढुंगानाले स्पष्ट पारेका छन् ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
भीरकट्यामा अड्किएको अनुसन्धानः दुई जनाले खाएका थिए चाउचाउ
२०७७ फाल्गुन २ गते आइतवार
सरुवा भएर खोटाङ आएका ६ जना प्रहरीमा कोरोना संक्रमण पुष्टि
२०७७ साउन ३१ गते शनिवार
१२ सयमै क्लासिक टेकको इन्टरनेट, साथमा क्लासिक प्रभु टिभी पनि
२०७७ साउन २३ गते शुक्रवार
ज्योति लाइफको आईपीओ फागुन २१ गतेबाट खुल्ने
२०७७ फाल्गुन १८ गते मङ्गलवार