'
१५ वैशाख, काठमाडौं । कोरोना संक्रमण दर दैनिक बढ्न थालेपछि सरकारले नेपाल ‘ट्रान्जिट’ बनाएर तेस्रो मुलुक जान प्रतिबन्ध लगाएको छ । सरकारको निणर्यसँगै आज बुधबार मध्यरात १२ बजेबाट त्रिभुवन विमानस्थललाई ‘ट्रान्जिट’का रूपमा प्रयोग गर्ने विदेशी नागरिकको आगमनमा रोक लगाइने भएको हो ।
विभागले पछिल्लो समय कोरोनाको नयाँ भेरियन्ट तीव्र गतिमा फैलिएकाले अर्को सूचना जारी नभएसम्मका प्रतिबन्ध लगाएको जनाएको छ । नेपाल अन्तिम गन्तव्य बनाएर आउने र अन्तर्राष्ट्रिय हवाई यात्रुले पाउँदै आएको सेवा भने यसअघिको उडान तालिका अनुरूप नियमित रहनेछ ।
हाल दैनिक साढे ३ लाखभन्दा बढी कोरोना संक्रमित संख्या देखिएको छिमेकी मुलुक भारतबाट ठूलो संख्यामा नेपाल हुँदै आएका यात्रु साउदी अरबलगायत देशमा उडिरहेको पाइएपछि विभागले तेस्रो मुलुक उड्न नपाउने निर्णय गरेको हो ।
विभागका निर्देशक तथा सूचना अधिकारी झंकनाथ ढकालका अनुसार नियम कडाइसाथ लागू हुनेछ । ‘विदेशबाट नेपाललाई अन्तिम गन्तव्य बनाएर आउने र बाहिर जाने यात्रुलाई भने रोक लगाइएको छैन,’ उनले भने, ‘कोरोनाको नयाँ लहर आएसँगै नेपालमा थप संक्रमित संख्या बढ्न सक्ने उच्च जोखिम मध्यनजर गर्दै यस्तो निर्णय गरेका हौं ।’
यो समाचार आजको राजधानी दैनिकमा छ ।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
नेपाल बैंकको एक्स्टेन्सन काउन्टर ललितपुर महानगरपालिकामा
२०७८ साउन २५ गते सोमवार
साताको पहिलो दिन उकालो लाग्यो सुनको मूल्य
२०७७ फाल्गुन २३ गते आइतवार
गुल्मीमा ट्याक्टर दुर्घटना हुँदा एकजनाको मृत्यु, २ जना घाइते
२०७७ असोज १९ गते सोमवार
ओली र प्रचण्डको नाटक र नौटङ्कीको प्रतिस्पर्धाले देश दुर्घटनातर्फ धकेलियो : अध्यक्ष थापा
२०७७ माघ २४ गते शनिवार