'
१५ वैशाख, काठमाडौं । बझाङको सदरमुकाम चैनपुर पानकोटस्थित मोटरेबल पुल निर्माणको काम सकिएको छ।
२०७५ मा इस्टिमेट परिवर्तन गरी पुनः टेन्डर भई निर्माण कार्य यसअघि विभिन्न निर्माण कम्पनीसँग ठेक्का सम्झौता भए पनि चैत २०७५ मा इलाइट कन्स्ट्रक्सन प्रालिसँग करिब नौ करोडमा क्रसब्रिज बनाउने ठेक्का सम्झौता भएको थियो।
नेपाल सरकार स्थानीय पूर्वाधार विभागको आर्थिक सहयोगमा सुरूको चरणमा २०७२ साल वैशाख ८ गते नीलगिरि र जागृति निर्माण सेवाले संयुक्त रूपमा पुल निमार्णको जिम्मा पाएका थिए।
बीचको पिलरका लागि खाल्डो खन्दा ढुंगा भेटिएको भन्दै निर्माण कम्पनीले काम गर्न नसक्ने जनाएको थियो।
कोरोनाका कारण निर्माण कार्यमा ढिलाइ भएको पुल २०७७ साल मंसिर महिनाबाट फेरि काम अगाडि बढाइएको र अहिले पुलको सबै काम सकेर स्थानीय सरकारलाई हस्तान्तरण गर्न भने बाँकी रहेको स्थानीय सडक, पुल कार्यक्रमका प्राविधिक अधिकृत हरिशङ्कर जोशीले बताए।
पुल बनेपछि सेती नदीपारि रहेका स्थानीयबासीलाई आवतजावतमा सहज हुनाका साथै गाउँघरमा उत्पादन भएका स्थानीय स्रोत साधनलाई बजारसम्म पुर्याउन र अन्य निर्माणका सामग्री ढुवानी गर्नसमेत सजिलो हुने जयपृथ्वी नगरपालिका–१ का वडाध्यक्ष गगनबहादुर सिंहले बताए।
पुलको लम्बाइ ७० मिटर छ। साथै २०७७ साल पुस १५ गतेभित्र पाउनुपर्ने रकमको भुक्तानी नपाउँदा र अर्कोतर्फ घटिघटाउमा काम गर्दा निर्माण कार्यमा ढिलाइ भएको निर्माण कम्पनी इलाइट कन्सट्रक्सनका प्रतिनिधि कपिल राईले बताए।
जिल्ला समन्वय समितिका प्रमुख खडकबहादुर खड्काले अब थलारा, तलकोट, छान्ना लगायतका स्थानीय तहहरूसमेत जोडिने बताए।
एनएमबि न्यूज युटयुबमा पनि उपलब्ध छ । तपाई यहाँ क्लिक गरेर सब्सक्राइब गर्न सक्नुहुनेछ । साथै फेसबुक र ट्वीटरमार्फतपनि हामीसँग जोडिन सक्नुहुनेछ ।
अमेरिकाको अलाबामामा भएको दुर्घटनामा ९ बालबालिकासहित १० को मृत्यु
२०७८ असार ७ गते सोमवार
गैंडा तस्करका आरोपित १५ वर्षपछि पक्राउ
२०७७ पुष २२ गते बुधवार
गुल्मीमा कांग्रेस कार्यकर्ता र प्रहरीबीच झडप
२०७७ असोज ५ गते सोमवार
कस्तो रहला आज दिनभरको मौसम ?
२०७७ असोज १८ गते आइतवार