इजरायलको एक धार्मिक कार्यक्रममा भागदौड मच्चिँदा ३८ जनाको मृत्यु, सयौं घाइते

कोरोनाभाइरसको महामारीका कारण गत वर्ष उक्त कार्यक्रममाथि प्रतिबन्ध लगाइएको थियो । यसपालि इजरायलका ५० प्रतिशतभन्दा बढी मानिसलाई कोरोनाविरूद्धको पूर्ण खोप लगाइसकिएको र संक्रमण घटेका कारण सरकारले कार्यक्रम गर्न अनुमति दिएको थियो । कोरोना भाइरसको महामारी सुरू भएपछि इजरायलमा यति धेरै मानिस जमघट भएको यो पहिलो कार्यक्रम थियो ।

यसअघि बिहीबार प्रहरीले अधिकारीहरूलाई कार्यक्रममा काम गर्न अवरोध गर्न खोजेको आरोपमा दुई जनालाई पक्राउ गरेको थियो ।